Balyq sharýashylyǵyna betburys

Birinshiden, balyq jáne ba­lyq ónimderimen azyq-túlik qa­ýip­sizdigin qamtamasyz etedi. Ekin­shiden, halyqty jumyspen qam­tıdy. Úshinshiden, sý jáne bıo­logııalyq resýrstardy tıimdi ári utymdy paıdalanyp otyr.

«Ba­lyq sharýashylyǵy salasyna 2021–2024 jyldary aralyǵyn­da 45 mlrd teńgeden astam ınvestısııa tartyldy. Jyl saıyn balyq sharýashylyqtary sý aıdyn­darynan 45 myń tonnadan asa­tyn balyq aýlaıdy. Onyń ba­sym bóligi Atyraý, Almaty, Shy­ǵys Qazaqstan men Qyzylorda ob­lys­taryndaǵy balyqshylardyń úlesine tıedi», deıdi A.Berdalın.

Budan bes jyl buryn qoldan ósiriletin balyq kólemi 6,9 myń tonna bolsa, qazir bul kórsetkish 2,6 ese artyp, 18,2 myń tonnaǵa jetken. Balyq shabaǵyn ósirýdi kásip etken 600-den asa sharýashylyqta shamamen 2 myń adam turaqty jumyspen qamtylǵan. Balyq shabaǵyn ósirý ásirese, Túrkistan, Jambyl, Almaty men Shyǵys Qazaqstan oblystarynda belsendi júrgiziledi. Atalǵan óńirlerdegi sharýashylyqtarda sazan, tuqy, aq amýr, dóńmańdaı, bekire tuqymdas, forel, pelıad, ja­ıyn jáne tılapııa sekildi balyq túrleri ósiriledi.

«Elimizde qýaty jylyna 100 myń tonnadan asatyn 72 balyq óńdeý kásiporny jumys isteıdi. Onyń ishinde 20 qurylym ónimin Eýropalyq odaq elderine turaqty eksporttaýǵa beıimdeldi. Byltyr elimizden eksporttalǵan 23,4 myń tonna balyq ónimderiniń quny 74,7 mln dollardy qurady», deıdi A.Berdalın.

Atyraý oblysy ákiminiń orynbasary Marat Mýrzıevtiń málimetinshe, munaıly óńirde balyq sharýashylyǵyn damytýǵa bet burǵan 18 qurylymǵa 31 ýchas­ke bekitilip berilgen. Rezervke qoıylǵan 27 ýchaskeniń 18-i Kaspıı teńizinde, 2-eýi Jaıyq ózenin­de, 7-eýi Qıǵash ózeninde ornalasqan.

Oblysta 5 qurylymda ba­lyq ósiriledi. Onyń 2-eýi 2023 jyly, 1-eýi byltyr iske qo­syl­ǵan. Úsh qurylymda 24 ju­mys orny ashylǵan. 2028 jylǵa deıin 8 taýarly balyq ósirý jobasy men 1 balyq óńdeý zaýy­tyn jańǵyrtý josparlanyp otyr. Bul jobalardy «Abdolov», «A-Dana», «Sát», «Jýmaǵalıev N.M.», «Saǵıev», «2023» sharýa qojalyqtary, «Abylaıhan» jáne «SevKaspııFısh» JShS júzege asyrýdy mindetine alǵan.

«Kaspıı bekiresi lımıted» JShS torly toǵandarda bekire ósirýge mamandanǵan. Kásip­orynnyń jobalyq qýaty – jylyna 20 tonna balyq ónimderi men 1 tonna qara ýyldyryq. Balyqty aýlaýdan óńdeýge deıingi tolyq sıklmen jumys isteıtin «Abylaı han» JShS zaýytynda 3 myń tonnaǵa deıin balyq ónimderi shyǵarylady. «Amangeldi atyndaǵy» JShS zaýytynda táýligine 150 tonna balyq ónimi óńdeledi. «A-Dana» sharýa qojalyǵyndaǵy jabyq sýmen jabdyqtaý júıesi bar fermada jylyna 130 tonna taýarly balyq pen bekireniń 15 mln shabaǵyn ósirý kózdelipti. «Caspian Royal Fish» kesheninde de jyl saıyn 100 tonna bekire tuqymdas balyq ósirilip, baǵaly balyqtan 1 tonna ýyldyryq alynady.

Eń basty joba – bekire tuqym­das balyqtar shabaǵyn ósirý. Byltyr «Jaıyq-Atyraý» bekire balyq ósirý zaýyty memlekettik tapsyrys sheńberinde 1 mln-nan astam, al «Caspian Royal Fish» JShS tarapynan 1,8 mln bekire shabaǵyn ósirip, Jaıyq ózenine jiberdi. Baǵaly balyqtardyń shabaǵyn ósirý bıyl da jalǵasyn tabady.

Atyraý oblysy