Foto: Ashyq derekkózden
Komıssııa quramynda QR Parlamentiniń depýtattary, memlekettik organdar, bilim salasy kásipodaqtarynyń, «Atameken» ulttyq kásipkerler palatasynyń, joǵarǵy oqý oryndary qaýymdastyǵynyń, qoǵamdyq uıymdardyń ókilderi bar. Olar úmitkerlerdiń ótinishterin qarastyrady. Ary qaraı talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde bilim berý granttary taǵaıyndaıdy.
Bilim berý granttaryn taǵaıyndaý konkýrsyna qatysýǵa 113 myńǵa jýyq ótinim berilgen. Talapkerlerdiń basym bóliginiń tańdaýy «Pedagogıkalyq ǵylymdar», «Injenerlik, óńdeý jáne qurylys salalary» jáne «Aqparattyq-kommýnıkasııalyq tehnologııalar» baǵyttaryndaǵy mamandyqtarǵa túsken. Qabyldaý naýqanynyń nátıjesine sáıkes bolashaq aýdarmashylar, muǵalimder, psıhologtar, dızaınerler jáne zańgerler arasynda bir granttyq orynǵa eń úlken konkýrs bolyp otyr.
Konkýrstyq irikteýdiń qorytyndysy Ǵylym jáne joǵary bilim mınıstrliginiń, sondaı-aq Ulttyq testileý ortalyǵynyń resmı saıtynda jáne áleýmettik jelilerinde jarııalanady. Al joǵary oqý oryndaryna qujattardy qabyldaý 25 tamyzda aıaqtalady.
