Sýret: gov.kz
- 14-16 tamyz aralyǵynda Astanada taekvondodan kadetter, jastar, eresekter arasynda asa iri halyqaralyq týrnırdiń jalaýy jelbireıdi. Qazirdiń ózinde 22 memlekettiń 750-den asa sportshysy osy jarysqa qatysatyndaryn rastady. Olar – Túrkııa, BAÁ, Úndistan, Qytaı, Aýǵanstan, Armenııa, Kanada, AQSh, Fransııa, Iran, Kýveıt, Qyrǵyzstan, Oman, Lıýksembýrg, Marokko, Nepal, Pákistan, Palestına, Saýd Arabııa, Týnıs, Reseı. Týrnırdiń júlde qory – 15 808 000 teńge.
- Elimizdiń eń úzdik tennısshisi Elena Rybakına Kanadanyń Monreal qalasynda tusaýy kesilgen WTA 1000 týrnırin sátti bastady. Júlde qory 5 152 199 dollardy quraıtyn jarystyń alǵashqy aınalymynda bos bolǵan ol ekinshi kezeńde álemniń 50-raketkasy amerıkalyq Heılı Baptıstten 6:4, 6:3 esebimen basym tústi. Úshinshi kezeńde rýmynııalyq Jaklın Krıstıandy jeńdi, esep – 6:0, 7:6. Tórtinshi kezdesýin Elena ýkraınalyq Daıana Iаstremskaıaǵa qarsy ótkizedi. Iýlııa Pýtınseva dodanyń tusaýkeser básekesinde qytaılyq Hanıýı Goǵa jol berdi – 3:6, 3:6.
- UFC-de asa jeńil salmaq dárejesinde kúsh synasyp júrgen Azat Maqsum (15-2) kelesi jekpe-jegin 25 tamyzda Ábý-Dabıde (BAÁ) ótkizedi. Qazaq faıteri AQSh ókili Mıtch Raposomen (9-3) aıqasady. Qos sportshy da sońǵy básekelerinde jeńilistiń kermek dámin tatty. Azat Charlz Djonson (AQSh) pen Tagır Ýlanbekovten (Reseı) upaı sanymen utylsa, Mıtch Andre Lıma (Brazılııa) men Sý Mýdaerdjıge (Qytaı) ese jiberdi.
- Qurlyqtyq hokkeı lıgasynda (QHL) kúsh synasyp júrgen Astananyń «Barys» klýbynyń sapy taǵy 12 oıynshymen tolyqty. Olar – Djohar Dýdarkıev (qaqpashy), Mádı Dıhanbek, Beıbarys Orazov, Kırıll Nıkıtın (qorǵaýshylar), Rýslan Ospanov, Semıon Sımonov, Kırıll Lıapýnov, Kırıll Kankın, Nıkolaı Shýlga, Ádil Beısembaev, Asanáli Rýslanuly, Vladımır Korchagın (shabýylshylar).
