Operasııaǵa birneshe memlekettik organ qatysyp jatyr
Qorǵanys mınıstrliginiń mamandarynan bólek, izdeýge:
- Tótenshe jaǵdaılar mınıstrligi
- Ishki ister mınıstrligi
- jáne basqa da memlekettik qurylymdardyń qyzmetkerleri qatysyp jatyr.
Qorǵanys mınıstri, avıasııa general-leıtenanty Dáýren Qosanovtyń tapsyrmasymen arnaıy komıssııa quryldy. Onyń quramyna Memlekettik avıasııanyń ushý qaýipsizdigi departamentiniń joǵary bilikti mamandary kirdi.
Komıssııanyń bir bóligi – izdestirý sharalaryna, ekinshi bóligi — avıasııalyq oqıǵany tergeý jumystaryna jumyldyrylǵan.
Izdestirý jumystary:
- Kól túbindegi tereń shógý,
- Sý astyndaǵy kórinýdiń múlde bolmaýy,
- Aýa raıynyń qubylmalylyǵy sııaqty kúrdeli jaǵdaılarǵa qaramastan, táýlik boıy jalǵasýda.
Áýe arqyly qıyn ótetin aýmaqtarǵa sholý jasalyp, jaǵalaý men kól akvatorııasy túgel tekserilýde.
Ǵylymı jáne tehnıkalyq uıymdar arnaıy jabdyqtarmen sý asty jáne jer ústindegi izdeý jumystaryna tartylǵan.
Komıssııa mynadaı faktorlardy zerdelep jatyr:
- Áýe kemesin daıyndaý jáne paıdalaný qujattamasy
- Quqyq qorǵaý organdary men avıasııalyq qyzmetterdiń materıaldary
- Tikushaq baǵyty boıynsha meteorologııalyq jáne ornıtologııalyq jaǵdaı jáne ózge de yqtımal sebepter
«Izdestirý jumysy tikushaq ekıpajynyń taǵdyry anyqtalyp, qaıǵyly jaǵdaıǵa ne sebep bolǵany tolyq zerttelgenge deıin jalǵasady», – dedi Áskerı-áýe kúshteriniń qolbasshysy, avıasııa general-maıory Asqar Izbasov.
