Kollaj: Amangeldi Qııas, «EQ»
«Agromarketpleısti jáne qadaǵalaý júıesin iske qosý jónindegi bastamalardyń mańyzdylyǵyn atap ótkim keledi. Olar aýyldyq eldi mekenderde ekonomıkalyq belsendiliktiń barynsha ósýine yqpal etetin bolady», dep atap ótti Premer-mınıstr Oljas Bektenov.
Saýda mınıstrligine salalyq memlekettik organdar men ákimdikterdiń jumysyn úılestirýdi qamtamasyz etý, Aýyl sharýashylyǵy mınıstrligi jyl sońyna deıin agromarketpleıs arqyly aýyl sharýashylyǵy óndirýshileriniń jumysyn yntalandyratyn tetikterdi ázirleý tapsyryldy.
«Syrtqy saýda qyzmeti aıasynda taýarlardy ákelý úderisterin avtomattandyrý, mámilelerdiń ashyqtyǵy men sertıfıkattaý máselelerinde bızneske kómek kórsetý qajet. Saýda mınıstrligine «Qazposhtamen» birlesip, jyl sońyna deıin V2V elektrondyq saýda alańynyń pılottyq jobasyn iske qosýdy tapsyramyn», dedi Oljas Bektenov.
Premer-mınıstr osy máselelerdiń barlyǵy ıkemdi vedomstvoaralyq ózara is-qımyldy jáne bıznespen turaqty ashyq dıalog júrgizýdi talap etetinine nazar aýdardy.
