Bul oraıda oblys ákimi Nuralhan Kósherov ekologııaǵa jaýapty quzyrly organ basshylaryna, aýdan, qala ákimderi men basqarma basshysyna zańsyzdyqtardy joıýdy, zań talabyn saqtamaǵan jer qoınaýyn paıdalanýshy kásipkerlerdiń lısenzııasyn qaıtaryp alýdy tapsyrdy. Búginde oblys kóleminde jumysy toqtatylǵan jáne paıdalanylmaı turǵan ken oryndaryn memleket menshigine qaıtarý jumystary júrgizilip keledi. Jyl basynan beri 17 jer qoınaýyn paıdalanýshynyń 35 myń gektar jeri memleket balansyna qaıtaryldy.
О́nerkásip jáne ındýstrıaldy-ınnovasııalyq damý basqarmasy basshysynyń mindetin atqarýshy Qanat Shonbasovtyń aıtýynsha, Arys, Kentaý qalalary, Otyrar, Ordabasy, Keles, Saýran aýdandary aýmaǵynda zańsyz jer qoınaýyn paıdalaný faktileri tolastamaı tur. Máselen, Kentaý qalasy, Hantaǵy aýyldyq okrýgi mańynda zańsyz barıt qazylǵany anyqtalyp, zańdy buzǵan tulǵalar jaýapqa tartyldy. Sondaı-aq Keles aýdany, Keles ózeni jaǵasyn zańsyz qazyp, jaıylym jerge ónimderin jınaqtap, satylymǵa shyǵarý jumystary tirkelgen. Jalpy oblys aýmaǵynda aýyr júk kólikteriniń shamadan tys júk tasymaldaý, zańsyz qum qazý, qazba ónimderin saýdalaý, paıdaly qazbalardy óndirý faktiler anyqtalyp, tıisti shara kórilýde.
