«Máselen, 137 jer qoınaýyn paıdalanýshydan 65 mln teńgeniń aýyl sharýashylyǵy shyǵyny memleket kirisine aýdarmaǵany anyqtaldy. Prokýratýranyń aktisimen osy kezge deıin 13,8 mln teńge memleket paıdasyna óndirildi. «Ulttyq ındýstrııalyq munaı-hımııa tehnoparki» arnaıy ekonomıkalyq aımaqta júrgizilgen tekserý qorytyndysymen «Atyraý Neftehım» JShS-ǵa senimgerlik basqarýǵa berilgen 106 gektar jer telimi maqsatyna sáıkes ıgerilmegeni anyqtaldy. Quny 1,6 mlrd teńgeniń atalǵan jer telimi arnaıy ekonomıkalyq aımaq menshigine qaıtaryldy. О́z mindettemelerin oryndamaǵany úshin sońǵysy AEA qatysýshylary qatarynan shyǵaryldy», dep habarlady prokýratýradan.
Sondaı-aq, «Kıpros» JShS-ǵa tıesili 3,46 gektar jer telimine qatysty is sotta qaralǵan. Atyraý qalasyndaǵy atalǵan jer telimi pırs salýǵa arnalǵan.
«Prokýrorlyq qadaǵalaý aktisi negizinde maqsatyna sáıkes paıdalanylmaǵan jer telimi memleket menshigine qaıtaryldy. Atalǵan jer teliminiń naryqtyq quny – 250 mln teńge. Jer zańnamasyn qoldaný salasyndaǵy jumys oblys prokýratýrasynyń únemi baqylaýynda bolady», dep málimdedi prokýratýradan.
