Atyraý oblystyq tótenshe jaǵdaılar departamenti bastyǵynyń orynbasary Rátbek Demeýbergenniń aıtýyna qaraǵanda, ózen-kólderdegi qaýipsizdik sharasy kúsheıtilgen.
«Bıyl shomylý maýsymyna daıyndyq erte bastaldy. Jaýapty qurylymdar turǵyndar arasynda keń aýqymdy túsindirý jumysyn júrgizdi. Qazir Jaıyq ózeniniń jaǵalaýynda shomylýǵa ruqsat etilgen «Malıbý» jaǵajaıy ashyldy. Atalǵan jaǵajaı Atyraý qalasynda ornalasqan. Al 45 jaǵajaı ýaqytsha jabyq tur. Oǵan byltyrǵy tasqynnan keıin sý arnasynyń ózgerip, jaǵalaý ınfraqurylymynyń jaramsyz kúıge túskeni sebep boldy», deıdi R.Demeýbergen.
Jazǵy shomylý maýsymy bastalǵaly beri 5 adam sýǵa batyp ketken. Bul – byltyr sý aıdyndarynda kóz jumǵandar sanynan 17 paıyzǵa az.
«Tótenshe jaǵdaılar departamentiniń qyzmetkerleri shomylý maýsymy bastalǵaly 3600-den astam reıd júrgizdi. Sýǵa túsý talabyn buzǵan 83 adamǵa Ákimshilik quqyq buzýshylyq týraly kodeksiniń 412-babymen hattama toltyrylyp, 1,1 mln teńgeden astam aıyppul salyndy. Sý aıdyndarynan 6 adam qutqaryldy. Onyń bireýi – bala», dep málim etti Rátbek Demeýbergen.
