Jergilikti polısııa qyzmeti basqarmasy bastyǵynyń orynbasary Ádilbek Shahmetovtiń deregine qaraǵanda, jol-kólik oqıǵasy azaımaı otyr.
«Shilde aıynda Atyraý oblysynyń aýmaǵyndaǵy oblystyq jáne respýblıkalyq, aýyl ishindegi joldarda birneshe jol-kólik oqıǵasy tirkeldi. О́kinishke qaraı, atalǵan apattardyń saldarynan 10 adam ólimi tirkeldi. Onyń ishinde jasóspirimderdiń ómirin qıǵan qaıǵyly oqıǵalar da bar», deıdi Ádilbek Shahmetov.
Polıseıdiń málimetinshe, Qurmanǵazy aýdanynda keshki mezgilde VAZ avtokóligi qaǵyp ketken jasópirim oqıǵa ornynda qaza tapqan. Al Qulsary qalasynda «PAZ-3204» kóligi men moped soqtyǵysqan. Sonyń saldarynan jasóspirim kóz jumǵan.
«15 shildede kúndizgi saǵat 12:30 shamasynda Aqtóbe-Atyraý-Reseı Federasııasynyń shekarasy baǵytyndaǵy joldyń 814-shaqyrymy tusynda Toyota jáne EXEED avtokólikteri soqtyǵysty. Jol apatynan 4 adam mert boldy. Al 20 shildede dál osy joldyń 496-shaqyrymy tusynda Toyota avtokóligi túıe malyna soqtyǵysyp, jolaýshysy qaıtys boldy. 30 shildede atalǵan joldyń 624-shaqyrymynda Gaz jáne Toyota Alphard avtokóligi soqtyǵysýynan jasóspirim oqıǵa ornynda kóz jumdy», dep habarlady Á.Shahmetov.
