10 tamyz — qazaqtyń uly aǵartýshysy jáne aqyny Abaı Qunanbaıulynyń týǵan kúni. Bıyl hakimniń týǵanyna 180 jyl tolady. Osy aıtýly dataǵa oraı Iаndeks Kitap qyzmeti qazaqstandyqtardy aqyn murasymen qaıta qaýyshtyryp, erekshe formatta quttyqtaýdy jón kórdi.
Abaıdyń keńinen tanymal týyndylarynyń biri – «Qara sózderinen» alynǵan naqyl sózder Qazaqstannyń alty qalasyndaǵy qoǵamdyq keńistikterde paıda boldy. Atap aıtqanda, ol qalalar – Astana, Almaty, Aqtóbe, Qaraǵandy, О́skemen jáne Taraz.
Klassıktiń naqyl sózderi mektepter men ýnıversıtetterdiń mańaıynda, sport alańdary men mádenı nysandar janynda ornalastyrylǵan. Bul lokasııalar – Abaı esimimen atalatyn kósheler men dańǵyldar boıynda. Mundaı tańdaý aqyn sózderiniń mán-maǵynasy qalalyq ómirge úılesimdi kirigip, zamanaýı keńistikte jańasha tynys alýyna jol ashady.
Máselen, oqý oryndarynyń janynda bilim men ǵylym týraly oılary, sport keshenderiniń mańynda rýh pen jiger, qaırat jaıynda aıtqan naqyldary qoıylǵan. Árbir sóz aınaladaǵy ortamen úndese otyryp, Abaı murasyn kúndelikti ómirdiń bir bóligine aınaldyrady.
Ár naqyl sózdiń janyna QR-kod ornatylǵan. Ony skanerleý arqyly paıdalanýshylar Iаndeks Kitaptardaǵy arnaıy sórege ótip, uly oıshyldyń eń úzdik shyǵarmalarymen tanysa alady. Osylaısha, bul joba qalalyq ortaǵa kórik berip qana qoımaı, Abaı fılosofııasyn kez kelgen adamǵa bir ǵana qadammen qoljetimdi etedi.
«Abaı — tek qazaq ádebıetiniń klassıgi emes, búgingi kúnge deıin ózekti oılar qaldyrǵan ǵulama. Biz onyń sózderi tek kitaptarda emes, adamdar kúnde júrip ótetin joldarda, qalanyń dál ortasynda bolǵanyn qaladyq», — deıdi Iаndeks Kitap ókilderi.
Sonymen qatar servıs Abaıdyń basty shyǵarmalary — «Ásempaz bolma árnege», «Ǵylym tappaı maqtanba», «Jazǵytury», «Qys» jáne taǵy basqa týyndylaryna arnalǵan muqabalar ázirledi. Árbir muqaba shyǵarma mazmuny men kóńil-kúıine saı jasalǵan. Bul muqabalardy da Iаndeks Kitaptaǵy arnaıy sóreden kórýge bolady.
Aıtpaqshy, Abaıdyń ómirbaıany jaıly tolyǵyraq bilgińiz kelse, Alısasy bar Iаndeks Stansııany paıdalana alasyz. «Alısa, Abaı týraly aıtyp bershi» dep surasańyz, ol qýana jaýap beredi.
