Jaqynda Bolgarııanyń Obzor qalasyndaǵy áıgili «Amfıteatr» sahnasynda horeografııalyq ónerdiń «Bı jaǵalaýy» atty halyqaralyq festıval-baıqaýy ótti. Bul is-shara «Art in Motion» halyqaralyq jobasynyń aıasynda uıymdastyrylǵan.
Festıval Qazaqstan Respýblıkasy men Reseı Federasııasynyń Bolgarııa Respýblıkasyndaǵy Elshilikteriniń qoldaýymen ótti. Basty maqsat – horeografııa arqyly ulttar arasyndaǵy dostyqty nyǵaıtý, dástúrli jáne zamanaýı bı mádenıetin damytý, daryndy ónerpazdardy qoldaý jáne halyqtyq horeografııa murasyn saqtaý.
Baıqaýǵa Qazaqstan atynan qatysqan Saryarqa aýdanynyń Belsendi uzaq ómir súrý ortalyǵynyń «Kerbez models» toby el namysyn abyroımen qorǵap, 60+ jas sanaty boıynsha «Sán shoýy. Ansambl» nomınasııasynyń birinshi dárejeli laýreaty atanyp, sondaı-aq «Sahna beınesin jarqyn beınelegeni úshin» atty arnaıy marapattarǵa ıe boldy.
О́ner dodasynda elordalyq sánqoı ájeler Eýrazııalyq dızaınerler odaǵynyń múshesi, Dızaın akademııasynyń akademıgi, «Almas tasty altyn qaıshy» ıegeri Qaırol Ábishevtiń «Zeken moda» brendiniń kıim úlgilerin usyndy.
Aıta keteıik «Kerbez_models» tobyna Ekaterına Jaqııaqyzy jetekshilik etedi. Búginde sán tobynyń kerbez ájeleri ulttyq naqyshtaǵy kıim úlgilerin dáriptep júr.
