Basty maqsat – qalalyq ortada tártip ornatý, ruqsatsyz qoqys úıindileriniń aldyn alý jáne barlyq uıymnyń Ekologııalyq kodeks talaptaryn saqtaýyn qamtamasyz etý.
Tekserý barysynda birqatar qurylys nysany, onyń ishinde salynyp jatqan turǵyn úı keshenderiniń aýmaǵy qaralyp, keıbirinde zańbuzýshylyqtar anyqtaldy. Atap aıtqanda, qurylys jumystary kezinde beton qaldyqtaryn tyıym salynǵan orynǵa tógý, qurylys kólikteriniń dońǵalaqtaryn jýatyn qural-jabdyqtyń bolmaýy, qoqysty ruqsat etilmegen jerge tastaý faktileri tirkeldi. Qurylys nysandarynyń jaýapty qyzmetkerlerine aıyppul salyndy.
– Keı kompanııalarda qurylys qaldyqtaryn shyǵarý boıynsha kelisimsharttyń joq ekeni belgili boldy. Mundaı jaǵdaıda Ákimshilik quqyqbuzýshylyq týraly kodekstiń 505-babyna sáıkes máseleni sheshý úshin ýaqyt beriledi, – dedi Qorshaǵan ortany qorǵaý jáne tabıǵatty paıdalaný basqarmasynyń ókili.
Qabyldanǵan sharalar zańsyz qoqys úıindilerin azaıtýǵa, bıznestiń ekologııalyq mádenıetin arttyrýǵa jáne jaıly qalalyq ortany qalyptastyrýǵa baǵyttalǵan.
