Oqıǵanyń vıdeosy áleýmettik jelilerde tarap, jergilikti turǵyndar arasynda alańdaýshylyq týǵyzdy. Beınejazbadan sý qubyrynyń qatty qysymmen jarylyp, sý aınalaǵa jaıylyp jatqanyn kórýge bolady.
Oqys oqıǵa 12 tamyz kúni saǵat 17:00 shamasynda oryn alǵan.
«Sarqan aýdany Ekiasha aýylyndaǵy «Malyı Baskan» ózeninde ornalasqan VB GES-2 stansııasynda sý qubyry jaryldy. Nátıjesinde sý tek stansııa aýmaǵynda ǵana qaldy, jaqyn mańdaǵy turǵyn úıler men eldi mekenderge eshqandaı zııan kelgen joq. Qazirgi tańda jaǵdaı turaqty, halyq pen tabıǵı ortaǵa qaýip joq», dep málimdedi oblystyq ákimdik.
«Baskan Power» JShS tehnıkalyq dırektory Danııar Dosabaevtyń aıtýynsha, sý GES ǵımaraty arqyly syrtqa aǵyp ketkenimen, saldary jyldam joıylǵan.
«Biz ǵımarat ishindegi sýdy soryp shyǵardyq. Qazir qalpyna keltirý jumystary júrgizilýde. Eldi mekenge, turǵyndarǵa jáne sharýashylyqtarǵa zııan kelgen joq. Sý tolyǵymen ózen arnasyna qaıtaryldy, ekologııalyq qaýip joq», dedi ol.
Sonymen qatar ákimdik atalǵan stansada 90-ǵa jýyq adamnyń jumys isteıtinin jáne olardyń barlyǵy jergilikti turǵyndar ekenin atap ótti. Qazirgi tańda nysanda barlyq jumystar shtattyq rejımde jalǵasyp jatyr.
