Investısııalyq yntymaqtastyq

Kelissózder barysynda kólik-logıstıkalyq ınfraquryly­my, aýyl sharýashylyǵy, shıki­zat­ty qaıta óńdeý, jańartyla­tyn energetıka, munaı óńdeý jáne jo­ǵary tehnologııalyq óndiris sııaqty salalarǵa uzaqmerzimdi ın­ves­tısııalar tartý múmkindik­teri­ne erekshe nazar aýdaryldy. Qarastyrylǵan naqty jobalar qatarynda halyqaralyq kólik dálizderine shyǵatyn logıstıkalyq habtardy salý jáne jańǵyrtý, agroónerkásip keshenine ozyq tehnologııalardy engizý, «jasyl» energetıka (kún jáne jel elektr stansalary) salasynda birlesken kásiporyndar qurý, sondaı-aq munaı óńdeý qýattaryn damytý bar. Kompanııa bul bastamalardy júzege asyrýǵa 1,5 mlrd AQSh dollaryna deıin ınvestısııa salýǵa daıyn ekenin bildirdi.

Kezdesý barysynda Ǵ.Ospan­qulov memleketimiz ınvestor­larǵa memlekettik qoldaýdyń keń aýqymyn jáne halyqaralyq naryq­tarǵa qoljetimdilikti qosa alǵanda, bıznes júrgizýge qolaı­ly jaǵdaı usyna alatynyn jetkizdi.

– Aldyńǵy qatarly halyqara­lyq ınvestısııalyq qorlarmen yntymaqtastyq elimizge ekonomıkany ártaraptandyrýǵa jáne ozyq tehnologııalardy engizý baǵytynda qosymsha múmkindikterge jol ashady. El aýmaǵynda bolashaǵy zor jobalardy iske asyrýǵa tolyq qoldaý kórsetýge daıynbyz, – dedi SIM Investısııalar komıtetiniń tóraǵasy.

О́z kezeginde Sh.Ben Hamo elimizdiń ınvestısııalyq áleýe­tin joǵary baǵalap, onyń negizgi saýda joldarynyń toǵysyn­daǵy strategııalyq ornalasýyn, turaqty makroekonomıkalyq serpinin atap ótti. Onyń sózin­she, elimiz óndiristik qýat­tar­dy ornalastyrýǵa, jahan­­dyq jetkizý tizbekterine ınte­gra­sııalanýǵa, joǵary eksporttyq áleýeti bar aýqymdy bastamalardy júzege asyrýǵa qolaıly jaǵdaıǵa ıe.

Taraptar jekelegen bastamalar boıynsha mazmundy konsýltasııalardy jalǵastyrý­ǵa, qol jetkizilgen ýaǵdalas­tyq­tardy bekitý úshin sheńberlik kelisimderge qol qoıý múmkindigin qarastyrýǵa ýaǵdalasty.

Aıta keteıik «ValueLBH Fund» – halyqaralyq tájirıbesi bar ınvestısııalyq qor, ol jyljymaıtyn múlik, energetıka, ınfraqurylym, agrobıznes salalaryndaǵy jobalardy qarjylandyrý jáne súıemeldeý boıynsha mamandanǵan. Qor ósý áleýeti joǵary jáne ornyqty ekonomıkalyq modelderi bar jobalarǵa ınvestısııa salady, sondaı-aq ekologııalyq stan­dart­tar men áleýmettik jaýap­kershilikke erekshe kóńil bóledi.