Tabystar tarıhy

Memleket basshysynyń 2012 jyldyń aqpan aıyndaǵy Germanııaǵa saparynyń aıasynda «KAZNEX INVEST» AQ pen «Knaýf» kompanııasy arasynda Qazaqstanda qurylys materıaldaryn shyǵaratyn zaýyttyń 2-shi kezegin salýǵa qatysty memorandýmǵa qol qoıyldy. Qazirgi kúni qurylys aıaqtalyp, zaýyt paıdalanýǵa berildi, zaýyt qurylysqa paıdalanatyn túrli qos­palar, árleýshi materıaldar jáne gıpsti-kartondyq betsheler shyǵa­rady. Knaýftyń Qazaqstandaǵy qyz­meti kezinde 400-den astam jumys orny quryldy. Zaýyttyń 2-shi kezegi jeke turǵan ǵımarat retinde salyndy. Onyń ishine gıpsti jaqpa materıaldardy óndiretin dıirmen ornatylǵan. Mundaı materıaldar, sonyń ishinde túrli qurǵaq qospalar bizdiń eli­mizde jetkiliksiz bolatyn. Zaýyt qyzmeti osy problemany sheshýge baǵyt­talǵan. Sonymen qatar, munda da­ıyn ónimderdi qoraptaıtyn, oraıtyn qural-jabdyqtar da ornatylǵan. «Knaýf» kompanııasy óziniń Qa­zaq­standaǵy qyzmetin ýaqyt ótken saıyn keńeıtip keledi. Aldaǵy ýaqyttary qosymsha ınvestısııalar salýǵa da ázir ekendigin baıqatty. Sheteldik bul kompanııa eli­miz­de júzege asyrylý ústindegi ındýs­trııalyq-ınnovasııalyq damý baǵdar­lamasyn, osy baǵyttaǵy reformalardy tolyq qoldaıdy. Elimizdiń ınfra­qu­ry­lym­daryn damytý baǵytynda jumys istep jatqan nemistiń osyndaı kom­pa­nııa­larynyń biri – Boehmer GmbH. Bul kompanııa «KAZNEX INVEST» AQ-pen sátti kelissózder júrgizý­diń nátıjesinde Qaraǵandy qalasyn­da munaı men gaz qubyrlar, jylý jáne sýmen qamtý jáne basqa ­da ınfra­qurylymdyq salalarǵa ar­na­l­ǵan buıymdar shyǵarý isin qolǵa aldy. Bul jobaǵa nemis jaǵynyń quıǵan ınvestısııalarynyń kólemi 19 mıllıon dollardy qurady. Osy qarjyǵa ǵımarat qurylysy júrgizildi. Qural-jabdyqtar, tehnologııalar satyp alyndy jáne negizgi qarjy aınalymyn qalyptastyrý úshin jumsaldy. Kásiporynda 50 jumys orny quryldy. Kásiporynnyń óndirgen ónimderi Keden odaǵynyń rynoktaryna, son­daı-aq alystaǵy shetelderge jónel­tiledi dep josparlanýda. Suńǵat ÁLIPBAI, «Egemen Qazaqstan».