Jyl saıyn dástúrli túrde ótetin respýblıkalyq «Mereıli otbasy» ulttyq baıqaýynyń oblystyq kezeńi óz máresine jetti. Bıyl baıqaýǵa oblys boıynsha 31 otbasy qatysyp, olardyń ishinen 5 otbasy oblystyq kezeńge joldama aldy. «Otbasy – shaǵyn memleket» degendeı, baıqaýǵa qatysýshylardyń qatary kóbeıip, qyzyǵýshylyǵy arta túsken.
«Mereıli otbasy» baıqaýynyń basty maqsaty – úlgili áýletterdiń ónegeli turmysyn pash etý, otbasylyq qundylyqty, otbasy men nekeniń jaǵymdy úlgisin dáripteý, mártebesin arttyrý, sol arqyly qoǵamnyń irgetasyn nyǵaıtý.
Baıqaýda bas júlde – bir mıllıon teńge aqshalaı syılyqty Jańaarqa aýdanynan Qapbasovtar áýleti oljalady.
«Belsendi otbasy» atalymyn Jezqazǵan qalasynan Taevtar otbasy, «Úlgili otbasy» atalymyn Qarajal qalasynan Ospanovtar áýleti, «О́nerli otbasy» atalymyn Ulytaý aýdanynyń Esimseıitovter otbasy, «Berekeli shańyraq» atalymyn Sátbaev qalasynan Bekeshevter otbasy ıelendi.
Barlyq jeńimpazdar arnaıy dıplom, aqshalaı syılyqpen marapattaldy. Shara barysynda ónerpazdar án men bıden shashý shashyp, merekeniń shyraıyn kirgizdi.
Oblystyq baıqaýdyń jeńimpazy Qapbasovtar áýleti «Mereıli otbasy» ulttyq baıqaýynyń respýblıkalyq kezeńinde synǵa túsedi.
Ulytaý oblysy
