Foto: Aqorda
Memleket basshysyna Adam quqyqtary jónindegi ýákildiń Astanadaǵy ókili Baıan Jalmaǵanbetova atalǵan salaǵa qatysty birqatar usynysyn jetkizdi.
Prezıdent 2023 jyldyń jeltoqsan aıynda arnaıy Jarlyqpen Adam quqyqtary men zań ústemdigi salasyndaǵy is-qımyl jospary bekitilgenin atap ótip, ombýdsmen jáne onyń ókilderi osy qujatty tıimdi júzege asyrý isinde negizgi ınstıtýt rólin atqaratynyna nazar aýdardy.
Qasym-Jomart Toqaev azamattyq belsendilik tanytqany úshin Baıan Jalmaǵanbetovaǵa rızashylyǵyn bildirip, basqa óńirler elordaǵa qarap boı túzeıtinin, sondyqtan bul iste oǵan aıryqsha jaýapkershilik júkteletinin aıtty.
Prezıdent múmkindigi shekteýli jandardyń muń-muqtajyn sheshý úshin ákimdikpen jáne mınıstrliktermen tyǵyz jumys isteý, úkimettik emes uıymdardy ortaq iske jumyldyrý mańyzdy ekenine toqtaldy.
