Basqosýda jaǵalaý aýmaǵyn abattandyrý, ınfraqurylymdy jańǵyrtý jáne bıznestiń múddesin qorǵaý máseleleri talqylandy.
Kezdesýge Qonaev qalasynyń ákimi Ashat Berdihanov, «Atameken» kásipkerler palatasynyń, «Jasyl qala» mekemesiniń ókilderi men kásipkerler qatysty.
Naýryz Saılaýbaı Qapshaǵaı sý qoımasynyń týrıstik áleýetin bıznes ókilderimen birlesip damytýdyń mańyzdylyǵyn atap ótti.
– Biz jaǵalaý aımaǵynyń damýy kásipkerlerdiń quqyqtaryn shekteý esebinen emes, olarmen áriptestik arqyly júzege asýy úshin kúsh salamyz. Týrızmdi damytýǵa óz kúshin de, qarajatyn da jumsap júrgen azamattardyń múddeleri qorǵalýǵa tıis, – dedi depýtat.
Kezdesýge bastamashy bolǵan kásipkerdiń biri Kambar Baıkenov týrızm salasynyń basqarylýy tıisti qurylymda bolýy kerektigin aıtty.
– Týrızm – bul óz strategııasy men tásilderin qajet etetin bólek baǵyt. Bul máseleni turǵyn úı-kommýnaldyq sharýashylyǵy emes, týrızm bólimi qadaǵalaýy kerek. Sonda ǵana jaǵalaý aımaǵyn júıeli túrde damytyp, týrısterdi tarta alamyz, – dedi ol.
Basqosýda kásipkerler ınjenerlik kommýnıkasııalardyń joqtyǵy, keshendi abattandyrýdyń qajettiligi men ákimshilik shekteýler sııaqty birqatar máselege nazar aýdardy. Qala ákimdigi men tıisti mekemeler ókilderi bul máselelerdi birlese sheshýge daıyn ekenderin jetkizdi.
Kezdesý qortyndysy boıynsha osy maýsymnyń sońyna deıin № 6 jaǵajaıdy damytý josparyn daıyndaý týraly sheshim qabyldandy.
