Kólik salasynyń keńeıtiler kókjıegi

Qazirgi kúni elimizde kólik ınfraqurylym jumystary belsendi túrde júzege asyrylýda. Sonyń nátıjesinde jańadan kóptegen jobalar qolǵa alyndy. Solardyń qatarynda Qurǵaq port qurylysyn júrgizý, Astanadaǵy kólik-logıstıkalyq ınfraqurylymdardy jaqsartý, Aqtaý teńiz portyn keńeıtý,  Borjaqty – Ersaı temirjol jelisin júrgizý, Arqalyq – Shubarkól jańa temirjol jelisin iske qosý, Jezqazǵan – Beıneý jańa temirjol jelisin iske qosý, Jetigen – Qorǵas – QR memlekettik shekarasy temirjol jelisin salý, Jolaýshylar tasymaldaýdy damytý, «Qaztemirtrans» AQ ınnovasııalyq qyzmetin damytý, Ishki jáne syrtqy termınaldyq jelilerdi damytý, Lokomotıvter jáne vagondar shyǵaratyn jańa zaýytty salyp damytý, Áýejaılar jumysynyń sapasyn arttyrý, konteınerlik júk tasymalyn damytý sekildi jobalar bar. Solardyń keıbirine azdap toqtala keteıik: Qurǵaq port qurylysy: «Qorǵas – Shyǵys qaqpasy» arnaıy ekonomıkalyq aýdany ınfra­qu­ry­lym­dyq nysandaryn jáne qurǵaq port qurylysyn júzege asyrýdyń keshen­di jumystary 3 kezeńnen turady. Birinshi kezeńde qurǵaq port já­ne Kólik-logıstıkalyq keshen ınfra­qu­ry­lymynyń birinshi kezekti nysandaryn salý jáne olardy Altynkól stansasynyń temirjol ınfraqurylymdarymen jal­ǵaý jumystary júzege asyrylýda. Qurǵaq porttyń birinshi kezegin iske qosýǵa qajetti negizgi jumystar 2014 jyldyń 1 jeltoqsany kúni aıaq­talǵan bolatyn. Qazirgi kúni mun­da logıstıkalyq beldeýdegi birqa­tar jumystar júzege asyryldy. Kon­teı­nerlik termınaldyń negizgi alańy ázirlenip, betondaý jumystary júr­gizilýde. 9 shaqyrymǵa relsti shpaldar tó­selindi. Munyń syrtynda qurǵaq port ope­ratorynyń ákimshilik ǵımaraty, avto­kó­likterdiń jol aıryqtary jáne qurǵaq port ishindegi avtokólik joldary, sý bógenderi salynýda. Keden odaǵy boıynsha bul joba mańyzy óte zor ortalyq retinde baǵa­la­nýda. О́ıtkeni, osy joba qurylysy arqyly Keden odaǵy elderine jáne Eýropa elderine, Túrkııa men Parsy shyǵanaǵy elderine, Qytaı Halyq Res­pýblıkasynan shyqqan eksporttyq ta­ýarlar jóneltiletin bolady. Sondaı-aq, atalǵan elderden shyqqan eksporttyq ónimder osy nysandar arqyly Qytaıǵa ótkiziledi. Aqtaý teńiz portyn keńeıtý jobasy: Bul joba Aqtaý portyn Soltústik baǵyttar boıynsha keńeıtý máselesin qarastyrady. Eki júk jóneltetin aılaq, bir astyq túsirip tıeıtin júk kesheni tıisti ınfraqurylymdarmen salynady. Olardyń jalpy qýaty jylyna 3 mıllıon tonna júkti tıep-túsirýge jáne saqtaýǵa múmkindik beredi. Sóıtip, porttyń qýaty qazirgi 18 mıllıon tonnadan 21 mıllıon tonnaǵa deıin artady. Jobany júzege asyrý úshin «Aqtaý Teńiz Soltústik Termınal» JShS birlesken kásiporny qurylǵan. Bir­les­ken kásiporyn jumysyna Sıngapýrdyń IPD kompanııasy, «KTZ Express» AQ jáne «AMMTP» UQ» AQ qatysýda. Termınal alańy 22 gektardy qu­raıdy. Teńiz portyn keńeıtý jumys­taryn 2015 jyldyń shilde aıynyń ba­synda aıaqtaý josparlanyp otyr.  Jobanyń jalpy quny 38 mıllıard teńgeni quraıdy. Munyń 30 paıyzy qatysýshylardyń qarjysy bolsa, 70 paıyzy – tartylǵan nesıe qarjylar. Jumys kestege saı júzege asyrylýda.