Sýret: baq.kz
Depýtat E.Bolgert Senattyń zań shyǵarý qyzmeti týraly keńinen aıtyp, advokatýra men quqyqtyq kómek kórsetý júıesin damytý máseleleri profıldik komıtet jumysynyń basym baǵytynyń biri ekenin atap ótti. Ol kásibı qaýymdastyqpen ózara is-qımyl tıimdi zańnamalyq bastamalardy ázirleýge, tájirıbeli zańgerler men azamattardyń naqty qajettilikterin eskerýge múmkindik beretinin jetkizdi.
«Advokatýra – quqyqtyq memlekettiń mańyzdy elementi. Onyń táýelsizdigi men kásibıligi azamattardyń quqyqtary men bostandyqtaryn qorǵaý deńgeıine tikeleı áser etedi. Biz advokattar óz mıssııasyn tıimdi atqara alatyn, al azamattar der kezinde jáne bilikti kómek alatyn jaǵdaı jasaýymyz kerek. Ol úshin zań shyǵarýshylar men kásibı qaýymdastyq arasynda turaqty dıalog qajet, sonda ár sheshim qoǵamnyń is júzindegi qajettilikterinen týyndaıdy», dedi E.Bolgert.
Sonymen qatar depýtat Astana qalasyndaǵy Medıasııa jáne tatýlastyrý ortalyǵyna baryp, ortalyq ujymy, kásibı medıatorlar jáne sýdıalar korpýsymen kezdesti. Basqosý barysynda medıasııa júıesin ınstıtýsıonaldy turǵydan nyǵaıtý, ony sotqa deıingi daýlardy sheshýde keńinen qoldaný, sondaı-aq medıatorlar men sottar arasyndaǵy ózara is-qımyl tetikteri talqylandy. Erekshe nazar medıasııany sot tájirıbesinde keńeıtý jáne normatıvtik-quqyqtyq bazany jetildirý máselelerine aýdaryldy.
Senator elimizde medıatıvtik kelisimder sanynyń oń dınamıkasyn atap ótip, medıasııa ınstıtýtyn barlyq óńirde odan ári damytý, medıatorlardyń biliktiligin arttyrý jáne medıasııa ortalyqtarynyń materıaldyq-tehnıkalyq bazasyn nyǵaıtý qajettigin erekshe atap ótti.
