Áleýmettik jelide taraǵan beınejazbadan aýyr konstrýksııanyń qulaǵan sátinen keıin, jerde sulaǵan eki adamnyń jatqanyn kórýge bolady.
Ulttyq kompanııanyń baspasóz qyzmeti málimdegendeı, bul ýchaskedegi qurylys jumystaryn merdiger uıym – «TJJ» JShS júrgizip jatyr. Zardap shekkender QTJ qyzmetkerleri emes.
«Qurylys-montaj jumystary barysynda balka synyp, temirjolǵa qulady. Avtokópir qurylysynda eńbek etken jumysshylar QTJ-nyń shtattyq qyzmetkerleri emes», dep naqtylady kompanııa ókilderi.
Zardap shekkenderdiń jaǵdaıy týraly resmı málimet ázirge jarııalanǵan joq. «TJJ» JShS ókilderi oqıǵaǵa qatysty pikir berýden bas tartyp, tek resmı saýal joldaýdy suraǵan.
