Otbasyndaǵy jarasymdylyqpen, qarym-qabiletterimen erekshelenip, urpaqtar sabaqtastyǵynyń qaıtalanbas úlgisin kórsetken 3 úzdik otbasy júzden júırik shyqty.
Túrkistan qalasynda ótken oblystyq kezeńiniń jeńimpazdaryn marapattaý rásiminde oblys ákiminiń orynbasary Ertaı Altaev jeńimpazdarǵa qurmet kórsetti. «Mereıli otbasy» baıqaýy – tek úzdik otbasylardy anyqtaıtyn jarys qana emes, bul – otbasy qundylyqtaryn nasıhattap, urpaq tárbıesine, ulttyq tárbıege úlken úles qosyp júrgen otbasylardyń eńbegin elge tanytatyn úlken alań. Túrkistan oblysy 500 myńnan asa otbasy qonystanǵan óńir retinde demografııalyq ósimi eń joǵary aımaq bolyp esepteledi. Osy otbasylardyń uıytqysyna aınalǵan 187 myńnan asa kópbalaly analarymyzdy maqtanyshpen aıta alamyz», dedi Ertaı Kenjebekuly.
Baıqaý qorytyndysyna sáıkes 1 mln teńge qarjylaı júldesimen I oryn Moldabekovter otbasyna (Saýran aýdany) buıyrdy. II oryndy Shırımbaevtar otbasy (Túlkibas aýdany), III oryndy Rysbekovter otbasy (Keles aýdany) ıelendi.
Jeńimpaz otbasyndaǵy Nurmahan Moldabekov 90 jasta. Saýran aýdany, Maıdantal aýyldyq okrýgi, Yntaly eldi mekeninde dúnıege kelgen. Zeınetker, tyl ardageri. Jubaıy Ońlasyn Júsipbaeva zeınetker, «Altyn alqa» ıegeri. Úlgili otbasy 2 ul, 7 qyz, 35 nemere, 23 shóbere súıip otyr.
