Oǵan ortalyq memlekettik organdar, ulttyq kompanııalar, salalyq birlestikter men iri ónerkásiptik kásiporyndardyń basshylary qatysty. Kún tártibinde iri ónerkásiptik kásiporyndarda jasandy ıntellektini engizýdiń aǵymdaǵy mártebesi, sıfrlyq tehnologııalar men jasandy ıntellekt negizinde óńdeýshi ónerkásipti damytý, ónerkásipte jasandy ıntellektini qoldaný tájirıbesi men ony odan ári damytý josparlary qaraldy.
«Jasandy ıntellektini engizý – bul jaı ǵana tehnologııalardy jańǵyrtý emes, búkil ekonomıka úshin strategııalyq qadam. Elimiz óz ónerkásibiniń álemdik naryqtaǵy básekege qabiletti jeke saraptamasy men sheshimderin qalyptastyrýǵa tıis», dedi Roman Sklıar.
Otandyq tehnologııalyq sheshimderdi engizýge, sondaı-aq ozyq álemdik tájirıbemen almasýdy qamtamasyz etýge erekshe nazar aýdaryldy. Josparlanǵan sharalardy júzege asyrý óndiristik úderisterdiń tıimdiligi men qaýipsizdigin arttyrýǵa ǵana emes, sonymen qatar tehnologııalyq jańǵyrtýǵa, ónimdiliktiń ósýine, Qazaqstannyń ındýstrııalyq damý kóshbasshylary qataryndaǵy pozısııasyn nyǵaıtýǵa turaqty negiz qalyptastyrýǵa múmkindik beredi.
