Jalpy, «Keleshek mektepterin» elimizdegi orta bilim salasynyń zerthanasy, tájirıbe jasaý alańy deýge bolady. О́ıtkeni bilim júıesine engiziletin ózgerister men jańalyqtardyń barlyǵy aldymen «Keleshek mektepterinde» aprobasııadan ótkiziledi. Negizinen «Keleshek mektepteriniń» kádimgi mektepterden asa bir aıyrmashylyǵy joq, basty ereksheligi – materıaldyq bazasy men jabdyqtalýynda. Kádimgi mektepterge qaraǵanda «Keleshek mektepterine» 30 paıyzǵa keń aýmaq qarastyrylǵan, jabdyqtalýy tórt ese joǵary. Mysaly, arnaıy jabdyqtalǵan pán kabınetteri, kitaphana, demalys aımaqtary, bı zaly, bastaýysh synyptarǵa bólek, joǵary synyptarǵa bólek sport zaldary bar. Dese de oqý júıesi barlyq mektepte birdeı, bárine ortaq bir standart, bir baǵdarlama boıynsha jumys isteımiz. «Keleshek mektepteri» – qandaıda bir áleýmettik, ekonomıkalyq ereksheligine, aýylda, ıa qalada turatynyna qaramastan, kez kelgen oqýshyǵa qoljetimdi jaılylyq, barlyǵyna teń jaqsy jaǵdaı jasaýdyń kórsetkishi. Bul – lıseı de, gımnazııa da, daryndy balalarǵa arnalǵan oqý oshaǵy da, zııatkerlik bilim uıasy da emes, jalpy bilim beretin mektep.
«Keleshek mektepterine» dırektorlar konkýrspen qabyldanady, biraq «Bilim berýdegi ózgeristerdiń 1000 kóshbasshysy» jobasynyń túlekteri dırektor qyzmetine birinshi kezekte konkýrssyz qabyldanady. Men de sol jobanyń aldyńǵy jylǵy túlegimin, birneshe kezeńnen ótip, 1000 kóshbasshynyń biri boldym. Al «Keleshek mektepterine» muǵalimderdi jumysqa alýdyń eki joly bar, birinshisi – konkýrs arqyly turý, ekinshi rette arnaıy testileýden ótken, Oqý-aǵartý mınıstrligi jasaqtaǵan pedagogıkalyq mamandyqtardy bitirgen úzdik túlekterdiń bazasyndaǵy jas mamandar qabyldanady. Bul – «Keleshek mektepterine» ǵana beriletin múmkindik.
Bekarys SERIKQALI,
Aqtaý qalasyndaǵy №32 jalpy bilim beretin keleshek mektebiniń dırektory
