Búgin – Qazaqstan Respýblıkasy Polısııa kúnin atap ótedi

ALMATY. 23 maýsym. 1992 jyly Qazaqstan Respýblıkasynyń Joǵary Keńesi «Qazaqstan Respýblıkasynyń ishki ister organdary týraly» zań qabyldady. Ol qazaqstandyq polısııanyń mindetteri men fýnksııalaryn anyqtaǵan alǵashqy quqyqtyq qujat boldy. 2007 jyly Memleket basshysy Nursultan Nazarbaevtyń Jarlyǵymen 23 maýsym Polısııa kúni bolyp resmı túrde bekitildi. Sol ýaqyttan beri elimizde jyl saıyn 23 maýsym kúni kásibı mereke – Qazaqstan polısııasy kúni atalyp ótedi. Bul týraly BNews.kz habarlady. Qazaqstan polısııasy kúni – bul qazaqstandyq polısııany qurǵan ardagerler men onyń qatarynda eńbek etetin qyzmetkerlerge alǵys bildirip, qazaqstandyqtardyń tynyshtyǵy men qaýipsizdigi úshin beıbit kúnde óz ómirin qurban etken polıseılerdi eske alatyn kún. Qazaqstan polısııasy kúni aıasynda barlyq ishki ister organdary men bólimshelerinde salatanatty sharalar uıymdastyrylady. Bul jóninde Qazaqstan Respýblıkasy Prezıdenti janyndaǵy Ortalyq kommýnıkasııalar qyzmetinde ótken baspasóz máslıhatynda Ishki ister mınıstri Qalmuhanbet Qasymov málimdedi. «Erteń Qazaqstan polısııasynyń kásibı merekesi. Onyń qurylǵanyna 23 jyl tolyp otyr. Eldiń ishki ister organdarynyń tarıhy – bul Qazaqstan tarıhynyń bir bóligi. Biz júrip ótken jol mınıstrlik júıesiniń eń iri jáne kópfýnksıonaldy quqyq qorǵaý qurylymy bola otyryp, qylmysqa tosqaýyl bola alatynyn, konstıtýsııalyq quqyqtardy jáne azamattardyń bostandyǵyn qorǵap, eldegi tártipti qamtamasyz ete alatynyn kórsetti», – dedi mınıstr. Talǵat Súıinbaı. Derek, sýret: BNews.kz.