Foto: instagram.com/ruslan_berdenov
Búgin jábirlenýshiniń ózi onlaın beınebaılanys arqyly kýálik berdi. Rýslan Berdenov kýálik berý sátin foto-vıdeoǵa túsirýge ruqsat etpegen.
О́z sózinde Berdenov Jıembaımen úsh ret qana kezdeskenin, onyń ekeýi jumys barysynda, úshinshisi qastandyq jasalǵan kúni ekenin atap ótti. Sondaı-aq, ol eki kezdesýde de janjal bolmaǵanyn aıtyp, oǵan sol oryndardaǵy tehnıkalyq quraldar arqyly kóz jetkizýge bolatynyna nazar aýdardy. Shymkenttik sheneýnik polıgraf arqyly da jaýap berýge ázir ekenin jetkizdi.
Aıyptalýshy Ernar Jıembaı Rýslan Berdenovten keshirim surady.
«Durys istedim demeımin. Keshirim suraımyn. О́ltiretin nıetim bolǵan joq. Tez saýyǵyp ketýińe tilektespin. Aldyńa ózim baryp, keshirim suraı alamyn», dedi ol.
Aıta keteıik, osy jyldyń 21 - sáýirinde Shymkent qalasy ákimdiginiń aldynda sheneýnikke oq atylǵan edi.
