Jańa normaǵa sáıkes, balgerge barǵandarǵa 375-ten 750 somonıge deıin (shamamen 21 900-43 800 teńge) aıyppul qarastyrylǵan.
Buǵan deıin, 2024 jyly, balgerlerdiń ózderine qatysty jaza qataıtylǵan edi. Qazir olardyń qyzmeti úshin 7,5 myń somonıge deıin aıyppul (shamamen 438 myń teńge) nemese 15 táýlikke qamaý jazasy qoldanylady. Al qaıtalanǵan jaǵdaıda bul jaza áldeqaıda aýyrlap, 150 myń somonıge deıin aıyppul (shamamen 8,7 mln teńge) nemese 2 jylǵa deıin túrme jazasyna ákelýi múmkin.
Tájikstan Ishki ister mınıstrliginiń dereginshe, balgerlerdiń qyzmetin paıdalanǵandar arnaıy bazaǵa tirkelip jatyr. 2025 jyldyń alǵashqy alty aıynda 495 jaǵdaı resmı túrde anyqtalǵan.
Mamandardyń aıtýynsha, bul qadamnyń negizgi maqsaty halyqty aldap, aqsha tabatyn jalǵan «emshiler» men «kóripkelderdiń» jolyn kesý. Degenmen qoǵamda mundaı qatań sharaǵa qatysty ártúrli pikir bar: bireýler halyqty qorǵaý úshin qajet dese, endi bireýler bul senim bostandyǵyna shekteý qoıady dep sanaıdy.
