Kezdesýdiń qorytyndysynda qos tarap Qazaqstan Respýblıkasy Parlamentiniń Senaty men О́zbekstan Respýblıkasy Olıı Májilisiniń Senaty arasyndaǵy yntymaqtastyqty damytýǵa arnalǵan 2025–2026 jyldarǵa arnalǵan Jol kartasyna qol qoıdy.
Máýlen Áshimbaev Tanzıla Narbaevaǵa iltıpat bildirip, О́zbekstan delegasııasyn kele jatqan Táýelsizdik kúnimen quttyqtady. Ol eki eldiń arasyndaǵy baýyrlastyq, dostyq jáne tatý kórshilik dástúriniń mańyzyn atap ótti. Spıkerdiń aıtýynsha, memleket basshylary aıqyndaǵan ózara is-qımyldyń joǵary qarqynyn jalǵastyrý, ornyqty bolashaqqa qol jetkizý jáne Ortalyq Azııanyń ortaq mindetterin iske asyrý jolynda birlesken áreket qajet.
«Bizdiń elderimiz arasynda barlyq deńgeıde tyǵyz saıası qarym-qatynas ornaǵan. Ekonomıkalyq yntymaqtastyq belsendi damyp, mádenı-gýmanıtarlyq baılanystar da nyǵaıyp keledi. Bul – eń aldymen, memleketterimizdiń basshylary Qasym-Jomart Kemeluly Toqaev pen Shavkat Mıramonovıch Mırzıeevtiń berik dostyǵy men ózara senimge negizdelgen qarym-qatynasynyń nátıjesi. Joǵary deńgeıdegi turaqty kezdesýler barysynda mańyzdy kelisimderge qol jetkizildi. Mysaly, byltyr О́zbekstan Prezıdentiniń Qazaqstanǵa jasaǵan memlekettik sapary kezinde aldaǵy 10 jylǵa arnalǵan strategııalyq seriktestik pen yntymaqtastyq baǵdarlamasy qabyldandy. Biz úshin sol kelisimderdi tıimdi iske asyrý – basty mindet», – dedi Máýlen Áshimbaev.
Osy rette ol kelesi jyly Almatyda ótetin О́ńirlik klımattyq sammıttiń kún tártibine de toqtaldy. Kezdesýde taraptar Qazaqstan men О́zbekstan Parlamentteriniń Palatalary arasyndaǵy Yntymaqtastyq jónindegi komıssııa jumysynyń nátıjelerin qarastyrdy. Sonymen qatar Ortalyq Azııa memleketteri Parlamentaralyq forýmynyń aıasynda aımaqtyń saıası, ekonomıkalyq jáne mádenı áleýetin tıimdi paıdalaný máseleleri talqylandy.
«Elderimiz arasynda parlamentaralyq yntymaqtastyqty damytýdyń mańyzy zor. Búgin qabyldanǵan Jol kartasy zań shyǵarý tájirıbesimen almasýdy jandandyryp, birlesken is-sharalar men konsýltasııalardy uıymdastyrýǵa, komıtetter men Apparattar arasyndaǵy ózara is-qımyldy kúsheıtýge jol ashady», – dedi Senat Tóraǵasy.
Suhbatta sý-energetıka, kólik-logıstıka, ekologııa salalary boıynsha jobalardy damytý, aýyl sharýashylyǵy, mashına jasaý, bilim berý, kommýnıkasııa jáne sıfrlandyrý baǵyttaryn qoldaý, azyq-túlik qaýipsizdigin qamtamasyz etý máseleleri de kóterildi. Parlamentter bul bastamalardy zańnamalyq turǵydan qoldaýǵa daıyn ekeni atap ótildi.
Sonymen qatar eki el arasyndaǵy rýhanı dıplomatııaǵa mán berildi. Máýlen Áshimbaev Álemdik jáne dástúrli dinder kóshbasshylary sezin О́zbekstan tarapynyń turaqty qoldap kele jatqanyn, О́zbekstan musylmandary basqarmasynyń belsendi qatysatynyn atap ótti. Ol baýyrlas eldiń dinaralyq dıalogty damytýǵa qosqan úlesi úshin rızashylyǵyn bildirdi.
О́z kezeginde Tanzıla Narbaeva Qazaqstannyń Ortalyq Azııadaǵy turaqtylyq pen damý isine qosqan úlesin joǵary baǵalap, ekijaqty baılanystardy tereńdetýge múddeli ekenin aıtty. Ol qazirgi kezeńde dinder men mádenıetter arasyndaǵy beıbitshilik pen toleranttylyqty nyǵaıtýdyń mańyzdylyǵyn atap ótti.
Sapar aıasynda Tanzıla Narbaeva Qazaqstan-О́zbekstan zııaly qaýymynyń ǵylymı-shyǵarmashylyq forýmyna qatysady. Sondaı-aq ol QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa múshelerimen kezdesip, «Astana» halyqaralyq qarjy ortalyǵynyń jáne «Astana Hub» IT-startaptar tehnoparkiniń qyzmetimen tanysady dep josparlanǵan.
