Foto: anatili.kazgazeta.kz
Joba birneshe kezeńnen turady. Aldymen «О́rleý» trenerleri Ulttyq banktiń 100 óńirlik fılıalynyń qyzmetkerlerin zamanaýı oqytý ádisterine úıretedi. Baǵdarlama koýchıng pen fasılıtasııa, toptyq jumys, ulttyq qarjy júıesi, ınvestısııa jáne qarjyny basqarýdyń qazirgi tásilderin qamtıdy.
Qyrkúıekten bastap mektep pen kolledjderde «Jahandyq quzyrettilik» pánin oqytatyn 6 myńǵa jýyq muǵalim bes kúndik kýrstan ótedi. 2026 jyly taǵy shamamen 4 myń pedagog qamtylmaq. Baǵdarlama ustazdarǵa qarjylyq mádenıetti oqý úderisine engizýge, al oqýshylar men stýdentterge qarjyny tıimdi basqarý daǵdylaryn darytýǵa jol ashady.
Bul joba qarjy pıramıdalary men alaıaqtyqtyń aldyn alyp, azamattardyń qarjylyq qaýipsizdigin kúsheıtýge baǵyttalǵan. «О́rleý» men Ulttyq banktiń seriktestigi pedagogterdiń kásibı damýyn qoldap, jas urpaqqa jeke qarjyny saýatty basqarýǵa qajetti zamanaýı bilim beredi.
