Foto: gov.kz
«Jańartý baǵdarlamasyna sáıkes, 2029 jylǵa deıin barlyǵy 456 lokomotıv satyp alý josparlanyp otyr. Lokomotıvterdi jetkizýshiler – qazaqstandyq «Elektrovoz qurastyrý zaýyty», «Lokomotıv qurastyrý zaýyty» jáne Qytaıdyń CRRC kompanııasy», dedi kólik mınıstri.
Sondaı-aq mınıstr júk operatorlary 7 myńnan astam jańa vagon satyp alýdy josparlap otyrǵanyn jetkizdi.
Qazaqstanda 300-den astam temirjol operatory jumys isteıdi. Olardyń qol astynda 142 myń júk vagony bar. Bul qazirgi júk tasymalynyń qajettiligin tolyq qamtıdy.
Onyń ishindegi «Qazaqstan temir joly» ulttyq kompanııasynyń úlesi – 41%. Nurlan Saýranbaev vagondar áleýmettik mańyzy bar baǵyttarda da belsendi qoldanylatynyn atap ótti.
«2029 jylǵa deıin júk operatorlary tarapynan 7 myńnan astam jańa vagondar satyp alynady. Bul júk tasymalynyń ósip kele jatqan áleýetin saqtap, damytýǵa múmkindik beredi», dedi ol.
