Foto: akorda.kz
«Almaty – azattyǵymyzdyń altyn besigi, jasampaz jastardyń qutty mekeni. О́rkenıetimizdiń órisin keńeıtýge ólsheýsiz úles qosqan kóptegen uly tulǵalarymyz osy qalada ósip-óngen. Shyn máninde, tól mádenıetimizdiń temirqazyǵyna aınalǵan shejireli shahar qazaq eliniń ǵana emes, túrki memleketteriniń de rýhanı ordasy sanalady.
Búgin asqaraly Alataýdyń baýraıynda túbi bir túrki jurtynyń bilimpaz, daryndy ári belsendi jastary bas qosyp otyr. Irgeli is-shara aıasynda jańa dostar taýyp, tyń ıdeıalar men jobalardy júzege asyrasyzdar dep senemin. О́renderimizdiń birligi bekem bolsa, túrki áleminiń tuǵyry myǵym, bolashaǵy jarqyn bolary sózsiz.
Qazaqstan baýyrlas halyqtardyń ıgi bastamalaryna únemi qoldaý kórsetip keledi. Biz elderimizdiń arasyndaǵy jan-jaqty yqpaldastyqty nyǵaıtýǵa aıryqsha mán beremiz. Astanada Dúnıejúzilik kóshpendiler oıyndarynyń ótýi, Aqtaýdyń Túrki áleminiń mádenı astanasy jáne Almatynyń Túrki jastarynyń astanasy atanýy – sonyń aıqyn dáleli», delingen Memleket basshysynyń quttyqtaýynda.
Mınıstr Aıda Balaeva óz sózinde Almatynyń mádenıet pen ǵylymnyń, bilim men ınnovasııanyń toǵysqan ortalyǵy ekenin atap ótti. Onyń aıtýynsha, qala búginde túrki áleminiń jas kóshbasshylary men shyǵarmashyl ókilderi úshin jańa ıdeıalar men seriktestiktiń ordasyna aınalyp keledi.
Saltanatty sharaǵa TMU bas hatshysy Kýbanychbek Omýralıev te arnaıy qatysty.
«Búgin biz Túrki áleminiń jastar astanasy ataǵyn Lenkoran qalasynan qarqyndy damyp kele jatqan Almaty qalasyna tabystaý sátiniń kýási bolyp otyrmyz. Bul qadam – ortaq qundylyqtarymyzdyń sabaqtastyǵyn, sondaı-aq bolashaq Túrki álemin qalyptastyrýdaǵy jastardyń ósip kele jatqan rólin aıqyn kórsetedi.
О́zderińiz biletindeı, Almaty qalasyna bul mártebe Túrki memleketteri uıymyna múshe elderdiń Jastar jáne sport mınıstrleriniń 8-shi otyrysynyń sheshimi negizinde berilgen bolatyn. Qalanyń zamanaýı mádenı ómiri, belsendi bilim berý mekemeleri jáne yntaly jastary – Túrki áleminiń jańa býynynyń rýhy men áleýetiniń aıqyn kórinisi», dedi Kýbanychbek Omýralıev.
Almaty qalasynyń ákimi Darhan Satybaldy da sóz alyp, Túrki jastarynyń daýysy osy Almatydan estilip, ıdeıalary bastaý alyp jatqanyn atap, olardyń dostyǵynyń bekı túsýine tilektestik bildirdi.
Saltanatty is-shara aıasynda baýyrlastyqtyń, senim men jańa múmkindikterdiń nyshanyna aınalǵan jastar astanasy kiltin 2024 jylǵy jastar astanasy - Lenkoran qalasy, Ázerbaıjan eliniń ókilderi Almaty jastaryna tabystap, baýyrlastyq estafetasyn jalǵady. Osylaısha Almaty «2025 jylǵy Túrki áleminiń jastar astanasy» mártebesin ıelendi.
Sondaı-aq, Abaı alańynda uıymdastyrylǵan saltanatty is-sharada Almaty turǵyndary men qonaqtaryna estrada juldyzdary men shyǵarmashylyq ujymdardyń qatysýymen keń kólemdi konsert usynyldy.
Festıval 19 tamyz kúni de jalǵasady. Túrki memleketteri uıymyna múshe elder – Qazaqstan, Ázerbaıjan, Qyrǵyzstan, Túrkııa jáne О́zbekstannan kelgen delegattar jastar saıasaty, kásipkerlik, azamattyq belsendilik jáne áleýmettik bastamalardy damytý tájirıbelerimen bólisedi. Sondaı-aq jas kóshbasshylar men kásipkerlerdiń kezdesýi ótedi.
