Eń kóp bala – 34-i Túrkistan oblysynda kóz jumdy, 280-i jaraqat aldy. Statıstıka boıynsha ekinshi orynda Almaty oblysy – 22 bala qaıtys boldy, 858 bala jaraqat aldy. Úshinshi orynda Jambyl oblysy – 18 bala qaıtys boldy, 513 bala jaraqat aldy.
Basqa óńirler kontekstinde joldaǵy balalar óliminiń statıstıkasy kelesideı:
Jetisý oblysy – 12 bala qaıtys boldy, 294 bala jaraqat aldy;
Qaraǵandy oblysy – 11 bala qaıtys boldy, 101 bala jaraqat aldy;
Aqtóbe oblysy – 10 bala qaıtys boldy, 454 bala jaraqat aldy;
Atyraý oblysy – 10 bala qaıtys boldy, 524 bala jaraqat aldy;
Shymkent – 10 bala qaza taýyp, 357 bala jaraqat aldy;
Mańǵystaý oblysy – 9 bala qaza tapty, 508 bala jaraqat aldy;
Batys Qazaqstan oblysy – 8 bala qaza tapty, 320 bala jaraqat aldy;
Qyzylorda oblysy – 7 bala qaza tapty, 282 bala jaraqat aldy;
Shyǵys Qazaqstan oblysy – 7 bala qaza tapty, 250 bala jaraqat aldy;
Qostanaı oblysy – 6 bala qaza tapty, 236 adam jaraqat aldy;
Aqmola oblysy – 5 bala qaza tapty, 256 bala jaraqat aldy;
Pavlodar oblysy – 3 bala qaza tapty, 217 bala jaraqat aldy;
Ulytaý oblysy – 3 bala qaza tapty, 92 bala jaraqat aldy;
Astana – 3 bala qaza tapty, 436 bala jaraqat aldy;
Almaty – 2 bala qaza tapty, 1202 bala jaralandy;
Soltústik Qazaqstan oblysy – 2 bala qaza taýyp, 97 bala jaraqat aldy.
Bıyl jyl basynan beri Qazaqstanda 0 ben 17 jas aralyǵyndaǵy 190 bala jol apatynan qaza taýyp, 7508-i jaraqat alǵan. Osy qorqynyshty statıstıkadaǵy árbir fıgýra bireýdiń jeke, orny tolmas shyǵynyn bildiredi.
Aıta keteıik, 19 tamyz kúni Abaı oblysyna qarasty Besterek aýylynda Toyota markaly kólikti tizgindegen júrgizýshi úı qaqpasynyń aldynda, joldan 10 metr qashyqtyqta turǵan balalardy qaǵyp ketti. Oqıǵa saldarynan eki bala oqıǵa ornynda kóz jumsa, taǵy biri medısınalyq mekemege barar jolda qaıtys boldy. Taǵy úsh jasóspirim túrli jaraqattarymen aýrýhanaǵa jetkizildi.
Abaı oblysynyń densaýlyq saqtaý basqarmasynyń málimetinshe, zardap shekken balalardyń jaǵdaıy aýyr. Qazaqstan Prezıdenti Qasym-Jomart Toqaev balalarǵa kómek kórsetý úshin dárigerler mingen ushaqty jiberýdi tapsyrdy.
Polısııanyń dereginshe, 55 jastaǵy júrgizýshi ustalyp, ýaqytsha ustaý ızolıatoryna qamaldy. Qazir bul fakti boıynsha qylmystyq is qozǵaldy.
