Elimizdiń ár óńirinen kelgen 12 jas aqyn eldik múdde, ulttyq rýh, eńbek adamdarynyń mártebesi, tarıhı tulǵalar murasy syndy taqyryptardy jyrǵa arqaý etti. Qazylar alqasynyń sheshimimen Bas júldeni Ahmetrasýl Baıanbaı (Túrkistan oblysy) ıelendi. Júldeli I orynǵa Muhtar Qonarbaev (Astana qalasy), II orynǵa Aıan Nııazbek (Túrkistan oblysy) pen Araı Nuradın (Aqtóbe oblysy), III orynǵa Nurmuhammed Baısúgirov (Qaraǵandy oblysy) pen Nurmahan Jaqypbek (Túrkistan oblysy) laıyq dep tanyldy. Sonymen qatar Ábdikerim Manap atyndaǵy arnaıy júlde sorltústikqazaqstandyq Beıishan Havdollaǵa, Qanybek Sarybaev atyndaǵy júlde Muhametqan Silámhanǵa (Túrkistan oblysy), Jarqynbek Naýshabekov atyndaǵy júlde О́mirbekov Nurdáýletke (Túrkistan oblysy), Áselhan Qalybekova atyndaǵy arnaıy júlde Nurǵalı Ánápııaǵa (Shymkent qalasy), Táýshen Abýova atyndaǵy arnaıy júlde Tursyn Shynarbekke (Almaty oblysy), Túrkistan oblystyq mádenıet basqarmasynyń arnaıy júldesi Bekarysuly Shahmardanǵa (Túrkistan oblysy) tabys etildi.
Marapattaý rásiminde oblystyq mádenıet basqarmasynyń basshysy Ázimhan Qoılybaev jeńimpazdardy quttyqtady. Al qazylar alqasynyń tóraǵasy, «Altyn dombyra» ıegeri Bekarys Shoıbekov jas aqyndardy qoldaý maqsatynda mundaı aıtystardyń mańyzy zor ekenin jetkizdi.
Túrkistan oblysy
