Oblystyq ardagerler keńesiniń tóraǵasy Saǵyndyq Qojamseıtov óńirdegi ekologııa máselesin kóterdi. Ardager «О́ńirde obyr aýrýy keń etek jaıyp barady. Biraq onkologııalyq dıspanserdiń máselesi sheshimin tappaı otyr. Sonymen qatar jas balalar arasyndaǵy aýtızm sındromy kóbeıip barady, oǵan memleket tarapynan áli de bolsa durys kóńil bólinbeıdi»,- dedi. Osy áńgimeden keıin jaman aýrýmen aýyrǵan eki eńbek ardageri óziniń nazyn jetkizdi.
Ardagerler keńesiniń músheleri Jezqazǵan men Sátbaev qalasynyń arasyndaǵy tas joldyń memlekettik standartqa sáıkes kelmeýi saldarynan kóptegen jol apaty bolady jáne birneshe ret adam ólimi bolǵanyn aıtty.
Taǵy bir úlken másele - ulttyq tarıhqa degen kózqarastyń túzelmeýi. Qazaqstan tarıhynda óshpesteı iz qaldyrǵan Bulanty shaıqasyna 2027 jyly 300 jyl tolady. Bul jeńis sol kezdegi «Aqtaban shubyryndy Alqakól sulama» zamanyndaǵy saǵy synyp júrgen qazaq halqynyń rýhyn kótergen uly jeńis! О́kinishke oraı osynaý tarıhı mereıtoıǵa aldyn ala durys daıyndyq jumystary joq ekenin jetkizdi.
Kezdesý bir saǵattan artyq ýaqytqa sozyldy.
