Atyraý balyqshylary 125 kılolyq alyp bekireni ustady

ATYRAÝ. 23 maýsym. Atyraýda balyqshylar toryna salmaǵy 125 kılo tartatyn alyp bekire balyǵy tústi. Bul týraly egemen.kz tilshisi habarlady. О́tken senbide «Tilekshi» seriktestiginiń balyqshylary Jaıyq ózeniniń tómengi saǵasynan salmaǵy 125 kılo tartatyn alyp bekire tuqymdas baǵaly balyqty ustady. Alyp balyqtyń uzyndyǵy 2 metr 30 santımetrdi quraıdy. Balyqshylar salmaǵy aýyr balyqty arnaıy ydyspen Atyraý bekire zaýytyna jetkizdi. Zaýyt dırektory Rashıdın Kalımýllınniń aıtýynsha, baǵaly balyqtyń basynda jáne denesinde túrli jaraqattary bar. Álsireýi baıqalady. «Brakonerler toryna túsken bolýy múmkin» degen joramal da aıtylady. «Jaraqaty bar balyq bir aptadaı zaýyt mamandarynyń baqylaýynda bolady», – dedi zaýyt dırektory Rashıdın Kalımýllın. Bekire balyǵy zaýytta arnaıy kútimge qaldyryla ma, álde teńiz aıdynyna qaıta jiberile me? Osy saýalǵa baılanysty zaýyt mamandary ázirge naqty sheshim qabyldaı qoıǵan joq. Joldasbek Shópeǵul. Derek: egemen.kz. Sýret: Rahım Qoılybaev.