Foto: Astana ákimdigi
Buǵan deıin Aqordanyń baspasóz qyzmeti 26-27 tamyz kúnderi Prezıdent Qasym-Jomart Toqaevtyń shaqyrýymen 26-27 tamyz kúnderi Qazaqstanǵa Iordanııa Koroli II Abdalla ben ál-Hýseın keletinin habarlaǵan bolatyn.
«Qazaqstanǵa Iordanııa Koroliniń sapary barysynda qalanyń jekelegen kóshelerinde kólik quraldary men jaıaý júrginshilerdiń qozǵalysyna ýaqytsha shekteý engiziledi. Daıyndyq is-sharalarynda arnaýly memlekettik jáne quqyq qorǵaý organdarynyń, sondaı-aq QR Qarýly Kúshteriniń resýrstary, onyń ishinde áskerı avıasııa men tehnıka paıdalanylady», delingen habarlamada.
Memlekettik kúzet qyzmeti Astana qalasynyń turǵyndary men qonaqtarynan halyqaralyq dárejedegi mańyzdy oqıǵa kezinde qaýipsizdikti qamtamasyz etý boıynsha júrgiziletin is-sharalarǵa túsinistikpen qaraýdy suraǵan.
Aıta keteıik, Iordanııa Koroli Abdalla II ben ál-Hýseınniń Astanaǵa sapary barysynda saýda-ekonomıkalyq jáne mádenı-gýmanıtarlyq salalardaǵy Qazaqstan-Iordanııa yntymaqtastyǵyn odan ári nyǵaıtý maqsatynda joǵary deńgeıdegi kelissózder ótedi.
