Foto: parlam.kz
«Bizdiń Konstıtýsııamyzdyń 1-babynyń 1-tarmaǵynda: «memlekettiń eń qymbat qazynasy – adam jáne adamnyń ómiri, quqyqtary men bostandyqtary» dep jazylǵan. Osy prınsıpti naqty ómirde júzege asyrý úshin ádilettik, teńdik syndy konstıtýsııalyq qundylyqtar eskerildi», dedi Marat Bashımov.
Spıker Ata zańǵa engizilgen negizgi ózgerister men jańashyldyqtardy atap ótti.
«Prezıdenttik Respýblıka bolǵannan keıin Prezıdent 7 jyl merzimge ǵana saılanady. Sonymen qatar, onyń týystary bılikte qyzmet atqarmaıdy. Parlamentke saılaý júıesi ózgertilip, endi depýtattar tek partııalar atynan ǵana emes, ózin-ózi usyný arqyly jáne bir mandatty okrýgpen saılanady. Onyń nátıjesin qazir kórip otyrmyz», dedi depýtat.
Onyń aıtýynsha, Joǵary aýdıtorlyq palata endi jylyna eki ret Parlament aldynda esep beredi. Bul bıýdjettiń ashyqtyǵyn qamtamasyz etýge múmkindik beredi. Sondaı-aq Adam quqyqtary jónindegi ýákildiń konstıtýsııalyq mártebesi artty. Konstıtýsııalyq sot qaıta qurylyp, azamattar óz quqyqtaryn qorǵaý úshin tikeleı shaǵymdana alady. Sonymen qatar, Bas prokýratýra men Adam quqyqtary jónindegi ýákil de Konstıtýsııalyq sotqa aryzdana alady. Marat Bashımovtyń aıtýynsha, bul – zańnyń ústemdigin arttyrý jolyndaǵy úlken qadam, ári demokratııa prınsıpteriniń nyǵaıýy.
«Kúshti Prezıdent, yqpaldy Parlament, esep beretin Úkimet» prınsıpi de osy konstıtýsııalyq reformadan shyqqan. О́ıtkeni Úkimet jaýapkershilikti ulǵaıtyp otyrý kerek. Osyndaı konstıtýsııalyq ózgerister qoǵam men memleket arasyndaǵy qarym-qatynasty jáne onyń ashyqtyǵyn kúsheıtti. Adam quqyqtaryna basa nazar aýdaryldy», dep qorytyndylady Marat Bashımov.
