Oqıǵa 25 tamyz kúni Almaty halyqaralyq áýejaıynyń ishki reıster termınaly – T1-de bolǵan. Bul týraly áýejaıdyń baspasóz qyzmeti habarlady.
«Polısııa qyzmetkerleri men avıasııalyq qaýipsizdik qyzmetiniń jedel áreketteriniń arqasynda órt der kezinde sóndirildi, er adamǵa alǵashqy medısınalyq kómek kórsetilip, aýrýhanaǵa jetkizildi. Qazirgi tańda bul iske qatysty tergeý jumystary quqyq qorǵaý organdary tarapynan júrgizilip jatyr. Atalǵan jaǵdaı áýejaı qyzmetine qatysy joq jáne onyń jumys tártibine áser etpedi. Almaty halyqaralyq áýejaıy qalypty rejımde jumys istep tur», delingen habarlamada.
Polısııa men áýejaıdyń qaýipsizdik qyzmeti órtti dereý sóndirip, jedel járdem shaqyrǵan. Er adam qalalyq aýrýhanaǵa jetkizilgen.
Atalǵan fakti boıynsha kólik polısııasy basqarmasy qylmystyq is qozǵady. Aldyn ala málimet boıynsha, er adamnyń mundaı áreketke barýyna azamattyq jubaıymen bolǵan jeke janjaly sebep bolǵan.
Almaty qalasynyń qoǵamdyq densaýlyq saqtaý basqarmasy habarlaǵandaı, naýqas jedel járdem brıgadasymen №4 qalalyq klınıkalyq aýrýhanaǵa jetkizilip, jansaqtaý bólimine jatqyzylǵan.
«Jaǵdaıy aýyr. Densaýlyq saqtaý mınıstrliginiń klınıkalyq hattamasyna sáıkes tolyq kólemde em qabyldap jatyr», delingen habarlamada.
