Yntymaqtastyqty damytatyn ortaq múdde

M.Áshimbaev kezdesýde mártebeli meımanǵa iltıpat bildirip, Tájikstan elimizdiń mańyzdy strategııalyq seriktesi jáne senimdi odaqtasy ekenin aıtty. Sondaı-aq eki memlekettiń basshylary arasyndaǵy ózara senimge negizdelgen qarym-qatynastyń jáne olardyń kúsh-jigeri men birlesken jumysynyń arqasynda barlyq deńgeıde tyǵyz saıası baılanys ornaǵanyn atap ótti. Suhbat kezinde ózara ekonomıkalyq is-qımyl belsendi damyp, mádenı-gýmanıtarlyq baılanystar da nyǵaıa túskeni sóz boldy.

«Joǵary deńgeıdegi turaqty kezdesýlerdiń jáne memleket bas­shylarynyń ózara saparlary­nyń nátıjesinde aýqymdy másele­ler boıynsha mańyzdy kelisim­derge qol jetkizildi. Tájikstan Prezıdenti Emomalı Rahmon 2023 jyly Qazaqstanǵa memleket­tik saparmen keldi. Sapar barysyn­da Odaqtastyq ózara is-qımyl týraly deklarasııaǵa qol qoıyl­dy. Byltyr Qazaqstan Prezı­denti Qasym-Jomart Toqaevtyń Tájikstanǵa memlekettik sapary aıasynda Odaqtastyq qaty­nastar týraly shartqa qol qoıyl­dy. Eki qujat ta baýyrlas halyq­tarymyzdyń ulttyq múdde­lerine saı keledi jáne elderi­mizdiń ózara is-qımylyn jan-jaqty tereńdetýge aıtarlyqtaı serpin berdi. Osy oraıda bizdiń basty mindetimiz – memleket basshylarynyń deńgeıinde qol jetkizilgen barlyq ýaǵdalas­tyqty tıimdi iske asyrýǵa yqpal etý», dedi M.Áshimbaev.

Sonymen qatar taraptar eki el prezıdentteri belgilep ber­gen ynty­maqtastyqtyń joǵa­ry deńgeıin parlamentter ar­qyly da qoldaýdyń mańyzdy ekeni­ne nazar aýdardy. Bul rette Eki­jaqty ózara is-qımyldyń jol kartasy erek­she mánge ıe. Ol óńir­aralyq ózara is-qımyldy damy­týmen birge ózge de aýqymdy máse­lelerdi qamtı­dy. Qujatqa Dýshan­bede ótken turaqty komıssııa­nyń otyrysynda qol qoıylǵanyn atap ótken jón. Búgingi kezdesýde Jol kartasynda kórsetilgen mindetterdi iske asyrý aıasyndaǵy birlesken jumys týraly da sóz boldy.

«Qazirgi tańda elderimizdiń parla­mentteri arasyndaǵy baı­lanystar turaqty jáne júıeli sıpatqa ıe. Ekijaqty ózara is-qı­myldyń jol kartasyn qabyl­daý Parlament palata­lary­nyń birlesken is-qımyly baǵy­tyndaǵy mańyzdy qadam boldy. Búginde Palatalarymyz arasynda Yntymaqtastyq jónin­degi komıssııa, sondaı-aq óńirlik parlamentaralyq yntymaq­tas­tyqtyń mańyzdy negizin qalaǵan Ortalyq Azııa memleketteriniń Parlamentaralyq forýmy bel­sendi jumys istep keledi. Mun­daı forýmdardy ótkizý aımaq elderiniń múddelerine saı keledi jáne Ortalyq Azııanyń saıası, ekonomıkalyq, mádenı áleýetin tıimdi iske asyrýǵa yqpal etedi», dedi M.Áshimbaev.

Kezdesýde ekijaqty jáne kópjaqty yntymaqtastyqtyń barlyq baǵyty boıynsha syndarly dıalog ornatýdyń mańyzy da áńgimege arqaý boldy. Ekologııalyq syn-qaterlerdi eńserý jolynda kúsh-jigerdi ortaq múddege jumyldyrý máse­le­sine basa mán berildi. Bul rette sý qatynastary sala­syn­daǵy túıtkilderdi sheshý kezindegi ózara is-qımyldyń naqty shara­lary, Halyqaralyq Araldy qutqarý qory aıasyn­daǵy birlesken jumys, onyń ishinde sý-energetıkalyq yntymaq­tastyq­tyń tıimdi tetigin ázirleý jumys­taryna úlken kóńil bólindi.

О́z kezeginde R.Emomalı parla­mentaralyq jáne óńirlik deń­geı­lerde qazaq-tájik ynty­maq­tastyǵy turaqty damyp kele jatqanyn atap ótti. Ol bizdiń elimizdiń álemde rýhanı dıplomatııany damytýdy kózdeıtin bastamalary men sol baǵyt­taǵy batyl qadamdaryn jo­ǵary baǵala­dy. Sondaı-aq bar­lyq mańyzdy sala boıynsha ózara yntymaqtastyqty nyǵaıtýǵa múddeli ekenin aıtty.

Budan basqa, taraptar óńirdiń ornyqty damýyna, mádenı-gýmanıtarlyq baılanystardy keńeıtýge, Álemdik jáne dástúrli dinder kóshbasshylarynyń aldaǵy sezi aıasynda rýhanı dıplomatııany ilgeriletýge qatysty máseleler jóninde pikir almasty. M.Áshimbaev Tájikstannyń sezdi jan-jaqty qoldap, Tájikstan ǵulamalar keńesiniń atalǵan is-sharaǵa belsendi qatysyp kele jatqanyn tilge tıek etip, dıalog, beıbitshilik jáne kelisim mádenıetin ilgeriletý isindegi yntymaqtastyq úshin tájik tarapyna alǵys bildirdi.