PETROPAVL. 23 maýsym. Aımaq basshysy Erik Sultanov Shal aqyn aýdanyna qarasty Keńes Odaǵynyń Batyry Ysqaq Ybyraev atyndaǵy aýylda bolyp, ózi oqyǵan mekteptiń materıaldyq-tehnıkalyq bazasynyń jańǵyrtylýymen tanysty. Bul týraly oblystyq ákimdiktiń baspasóz qyzmeti habarlady.
Bilim uıasynda eki júzge jýyq bala oqıdy. Shaǵyn ortalyqqqa 30 búldirshin barady. Demek, aýdan ortalyǵynan 15 shaqyrym qashyqtyqta ornalasqan eldi mekenniń bolashaǵy zor degen sóz. Esimi óńirge tanymal tulǵa Márken Ahmetbekovtyń esimin ıelengen bilim úıi memlekettik baǵdarlama sheńberinde kúrdeli jóndeýden ótken. Bilikti mamandarmen tolyqtyrylǵan. Sport zaly, zamanaýı kabınetter, murajaı jumys isteıdi. Jýyrda balalar jáne jasóspirimder sport mektebiniń bólimshesi ashylyp, ulttyq oıyndar túrimen aınalysýǵa jaǵdaı jasaldy.
Erik Hamzauly eki qabatty ǵımaratty aralap kórgennen keıin ulaǵatty uıadan ushqaly otyrǵan 16 túlekke orta bilimi týraly attestatty saltanatty jaǵdaıda tapsyrdy.
Ujymǵa eki sport trenajerin tartý etti.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
