Qaısar Sultanbaevtyń málimdeýinshe, jol apattarynan kóz jumǵan balalardyń kópshiligi kólik ishinde jolaýshy retinde bolǵan. Qalǵan bóligi — jaıaý júrginshiler, samokat, velosıped jáne moped júrgizýshileri.
«Kóptegen jaǵdaılarda apatqa eresekterdiń jol qozǵalysy erejelerin saqtamaýy sebep bolǵan. Keıbir balalar kólikte qaýipsizdik beldigin taqpaǵan. Sonymen qatar, joldy ruqsat etilmegen jerden kesip ótý, tipti keıde baǵdarshamnyń qyzyl shamyna qaramastan ótýdiń saldarynan da qaıǵyly jaǵdaılar oryn alǵan. Sondyqtan balalarǵa jolda muqııat bolýdyń mańyzyn únemi túsindirip otyrý qajet. Ásirese, jolǵa shyǵar aldynda kóliktiń tolyq toqtaǵanyna kóz jetkizýi tıis», dedi ol.
Balalar qaýipsizdigin arttyrý maqsatynda Ishki ister mınıstrligi mektep baǵdarlamasyna jol qozǵalysy erejelerin jeke pán retinde qosýdy usynyp otyr.
«Mektepterde balalardyń ómiri men qaýipsizdigin saqtaý úshin JQE pánin mindetti sabaq retinde engizý usynylýda», dep naqtylady Sultanbaev.
Aıta keteıik, buǵan deıin Qazaqstanda kólik qozǵalysynyń jyldamdyǵyn tómendetý máselesi qarastyrylyp jatqany habarlanǵan bolatyn.
