Foto: Úkimettiń baspasóz qyzmeti
Otyrysta taý-ken óndirý jáne metallýrgııa kásiporyndarynyń basshylary, salalyq qaýymdastyqtar ókilderi qatysty.
«Atameken» UKP tóralqa tóraǵasy Raıymbek Batalov, «Qazaqmys» korporasııasynyń basqarma tóraǵasy Nurahmet Nurıev, KazFerroGroup dırektory Hondamır Iýldashev, Golden Compass Jambyl basqarýshy dırektory Aıbar Dáýitov, Aurora Minerals Group kompanııalar tobynyń quryltaıshysy Saıd Sultanov óz usynystaryn aıtyp, sóz sóıledi.
Premer-mınıstr bıyl taý-ken metallýrgııa kesheninde (TMK) myńdaǵan jumys orynyn qurýǵa múmkindik beretin jáne ekonomıkany ártaraptandyrýǵa yqpal etetin 28 ınvestısııalyq joba júzege asyrylyp jatqanyn atap ótti.
«Prezıdent aldymyzǵa óndiris kólemin saqtap qana qoımaı, sapaly ósýdi qamtamasyz etý, uzaqmerzimdi ınvestısııalar tartý sııaqty strategııalyq mindet qoıyp otyr. Biz «shıkizat óndirý jáne eksporttaý» modelinen «el ishinde qaıta óńdeý jáne qosymsha qun qurýǵa» kóshemiz. Úkimet el ishinde qaıta óńdeýdi yntalandyrý, jańa óndiristerdi qoldaý, metallýrgııalyq klasterlerdi damytý isin jalǵastyrady», dedi Oljas Bektenov.
Talqylaý barysynda qatysýshylar ınvestorlar úshin zańnamany jáne jaǵdaılardy jetildirý máselelerin kóterdi. «Atameken» UKP tóralqa tóraǵasy Raıymbek Batalov taý-ken metallýrgııa kesheni ókilderi tarapynan bıznes jáne sarapshylarmen birlesip, biryńǵaı salalyq damý qujatyn ázirleý, tarıf saıasatyn sınhrondaý jáne Jer qoınaýy týraly kodekske túzetýler engizý jumystaryn aıaqtaý jónindegi usynysyn aıtty.
Geologııalyq barlaý kompanııalary tobynyń quryltaıshysy Saıd Sultanov turaqty salyq rejımin qamtamasyz etý, roıaltı júıesin álemdik tájirıbege beıimdeý, sondaı-aq geologııalyq barlaý qyzmetin kórsetetin kompanııalarǵa salyq salýdy jeńildetý týraly pikir bildirdi.
Jańa ken oryndaryn izdeýde sheshýshi ról atqaratyn shaǵyn jáne kishi kompanııalardy qoldaý qajettigi talqylandy. Taý-ken óndirýshi kompanııanyń basshysy Aıbar Dáýitov kishi kompanııalardyń túsinigi men mártebesin zańnamada bekitý jáne shaǵyn jer qoınaýyn paıdalanýshylar úshin paıdaly qazbalardy óndirý salyǵynyń (PQО́S) saralanǵan mólsherlemelerin engizýdi usyndy.
Ferroqorytpa zaýytynyń dırektory Hondamır Iýldashev jıynǵa qatysýshylardyń nazaryn elektr energııasy men kólik qyzmetine arnalǵan tarıfterge aýdardy.
Sonymen qatar temirjol tarıfteri men lokomotıv tartý qyzmeti máseleleri qozǵaldy. «Qazaqmys» korporasııasy basqarma tóraǵasy Nurahmet Nurıev lokomotıv tartý qyzmetterine tarıfterdi memlekettik retteýdi saqtaý kerektigin aıtty.
Ulttyq ekonomıka birinshi vıse-mınıstri Azamat Ámrın tozyǵy jetken ınfraqurylymdy jańǵyrtý úshin elektr energııasy men tasymaldaý tarıfterin yryqtandyrý qajet ekenin atap ótti.
Sondaı-aq SO2 qaldyqtaryn azaıtý jónindegi Qazaqstan qabyldaǵan halyqaralyq mindettemeler sheńberinde ekologııalyq jaýapkershilik jáne kómirtegi izi máselelerine erekshe nazar aýdaryldy.
Ekologııa jáne tabıǵı resýrstar mınıstri Erlan Nysanbaev TMK kásiporyndary búginde barlyǵy birdeı saqtaı bermeıtin ekologııalyq standarttardy eskerýi tıis ekenin atap ótti. Onyń aıtýynsha, birqatar kásiporyn kómirtegi izi men energııa tutynýdy azaıtý jobalaryn júzege asyra otyryp, taza tehnologııalarǵa kóshýdi bastady, al memleket óz kezeginde ekologııalyq sheshimderge ınvestısııa salatyn kompanııalarǵa qoldaý kórsetýge daıyn.
Sondaı-aq otyrysqa qatysýshylar naryq suranystaryn eskere otyryp, ǵylymı-zertteý jáne tájirıbelik-konstrýktorlyq jumystardy (ǴZTKJ) yntalandyrý tetikterin odan ári jańartý máselesin talqylady.
Búginde salany jalǵasyp jatqan sıfrlandyrý konteksine oraı Premer-mınıstr sıfrlyq sheshimder, jasandy ıntellekt engizýdi jedeldetý qajettigin atap ótti.
Budan basqa, jer qoınaýyn paıdalanýshylardyń satyp alý úrdisteriniń ashyqtyǵyna baqylaýdy kúsheıtýge jáne otandyq óndirýshilermen kooperasııany damytýǵa basa nazar aýdaryldy. Osy maqsatta 1 shildeden bastap taýarlardy, jumystar men qyzmetterdi satyp alýǵa arnalǵan memlekettik platformanyń jańǵyrtylǵan nusqasy iske qosyldy, bul jergilikti qamtý úlesin arttyrýǵa múmkindik beredi.
Talqylaý qorytyndysyn sáıkes, Oljas Bektenov salany damytý tereń óńdeýge, tehnologııalardy engizýge, ekologııalyq jaýapkershilikke negizdelýi kerektigin atap ótti. Bul shıkizat modelinen alshaqtap, elde tolyq óndiristik sıkldi kásiporyndar qurýǵa múmkindik beredi. О́z tarapynan Úkimet bıznesti damytý úshin qoldaý jáne jaǵdaı jasaý jónindegi jumystardy jalǵastyra bermek.
Premer-mınıstr aıtylǵan barlyq usynys TMK qyzmetiniń tetikterin jetildirý jónindegi aldaǵy jumysta eskeriletinin atap ótti.
