Búgin, 28 tamyz 2025 jyly, Almatydaǵy MOST IT HUB alańynda Almaty qalasy óńirlik kásipkerler palatasynyń óńirlik keńesiniń jáne kreatıvti ındýstrııalar men IT jónindegi salalyq keńestiń keńeıtilgen otyrysy uıymdastyryldy.
IT-sektordy nyǵaıtý jáne sıfrlyq ekonomıkany damytý boıynsha birlesken qadamdardy aıqyndaý úshin ótken basqosýǵa bıznes ókilderi, tehnologııalyq kompanııalar, ınvestorlar men ındýstrııalyq seriktester qatysty. Jıynda Qazaqstandaǵy IT salasyn damytýdyń ózekti máseleleri – óndiristegi sıfrlandyrý men B2B sheshimderden bastap, venchýrlik qarjylandyrýdyń bolashaǵy men qarjy sektorymen yqpaldastyqqa deıingi taqyryptar talqylandy.
Keńeste otandyq messendjer Aitu-ǵa arnaıy nazar aýdaryldy. BTS Digital kompanııasynyń ókilderi servıs múmkindikterin tanystyryp, onyń Qazaqstannyń sıfrlyq ekojúıesine ıntegrasııalaý tetikterin kórsetti.
BTS Digital bas dırektorynyń mindetin atqarýshy Jarkynbek Azamatov:
«Qazaqstannyń bolashaǵy – tehnologııalyq progreste, al Aitu-dy damytý osy joldaǵy mańyzdy qadamdardyń biri. Bizdiń jumysymyzdyń ortalyǵynda – paıdalanýshy. Aitu-dyń kúndelikti ómirde yńǵaıly ári paıdaly bolýy mańyzdy. Biz platformany azamattar, bıznes jáne memlekettik qurylymdar úshin qural retinde damytyp kelemiz. Búginde sýperappte kompanııalarǵa arnalǵan sheshimder bar – chat-bottar men koll-ortalyqtardy ıntegrasııalaýdan bastap, mını-qosymshalarǵa deıin. Bul – jańa seriktestikke jol ashatyn múmkindik», – dedi.
Sıfrlandyrý tájirıbesimen AO «Qazaqstan Halyq Banki» basqarma tóraǵasynyń birinshi orynbasary Daýren Sartaev bólisti. Ol Aitu messendjeri týraly da pikir bildirdi:
«Búgin otandyq Aitu messendjeriniń damýy týraly tyń aqparat alý paıdaly boldy. Qazirdiń ózinde iske asqan fýnksııalar servıstiń ári qaraı damýyna myqty básekelik negiz bola alady. Ásirese sheteldik balamalarmen básekelestik jaǵdaıynda. Bul – eldiń sıfrlyq egemendigin nyǵaıtýdaǵy mańyzdy qadam», – dedi ol.
Jıyn qorytyndysyn Almaty qalasy óńirlik keńesiniń tóraǵasy Nursultan Shokanov jasady: «Memleket basshysy elimizde sıfrlyq ekojúıeni damytýǵa jaǵdaı jasap otyr, bul eldiń básekege qabilettiligi úshin sheshýshi faktor. Bizdiń mindet – bıznes te, qoǵam da «sıfrlyq tutynýshylyq patrıotızm» qalyptastyryp, otandyq ónimder men servısterdiń damýyna qoldaý kórsetý, olardy jahandyq naryqqa shyǵaratyn básekege qabiletti deńgeıge jetkizý», – dedi ol.
Keńeste sondaı-aq BYB Production ınvestısııalyq qorynyń basqarýshy seriktesi A.Belısbekov, «Omir Group Ltd» dırektorlar keńesiniń múshesi D.Kýnaev sóz sóılep, otandyq IT naryǵyn damytýdyń, qazaqstandyq ónimderdi ilgeriletýdiń, sonyń ishinde Aitu messendjerin qoldaýdyń mańyzyn atap ótti.
