Investor: Aman Álimbaev
Vırdjınııa sııaqty shtattarda data-ortalyqtar energııanyń tórtten birin jutyp otyr. Bul kún, gaz jáne atom energetıkasyna suranys artady, demek ınvestor úshin bul úlken múmkindik degen sóz. Medısınada da jaǵdaı túbegeıli ózgerip jatyr. Buryn dári jasaý úshin 10-15 jyl ketse, qazir jasandy ıntellektiniń arqasynda merzim eki ese qysqarady. Bul degenimiz – parkınson, qaterli isik, ınfeksııaǵa tózimdi aýrýlarǵa qarsy dáriler áldeqaıda erte shyǵýy múmkin. Demek farmasevtıka men bıotehnologııa kompanııalary úlken serpilis jasaıdy. Aqsha salǵan adam utylmaıdy.
Qarjy salasyna kelsek, «Goldman Sachs» IPO úshin qajetti qujattardyń 95%-yn jasandy ıntellektimen jazady. Buryn aptalap daıyndalatyn esepter qazir birneshe mınýtta jasalady. Bank pen saqtandyrý kompanııalary da osy quraldy engizip, qyzmet sapasyn jaqsartyp otyr. Biraq táýekel de bar. Kıbershabýyldar jasandy ıntellektiniń arqasynda jyldamyraq ári kúrdelirek bola tústi. Zalal jylyna júzdegen mıllıard dollarmen esepteledi. Bul bıznes úshin klıent joǵaltý, jumystyń toqtap qalýy, bedelge nuqsan keltirý sııaqty shyǵyndarǵa alyp keledi. Sondyqtan kıberqaýipsizdik te – ınvestorlar nazar aýdaratyn sala.
Osydan shyǵatyn qorytyndy bar. Investor qaıda qaraý kerek? Eń aldymen chıpter men jartylaı ótkizgishter, «Nvidia», «TSMC», «ASML», «Broadcom» sııaqty kompanııalar jańa «altyn bezgeginiń» tasasynda tur. Ekinshi baǵyt – bulttyq tehnologııalar men data-ortalyqtar: «Amazon AWS», «Microsoft Azure», «Google Cloud». Úshinshi baǵyt – energetıka men ınfraqurylym, sebebi data-ortalyqtardy energııamen qamtamasyz etetinderge orasan suranys bar. Tórtinshiden, densaýlyq saqtaý men farmasevtıka, jasandy ıntellektini qoldanatyn kompanııalar úlken serpilis jasaıdy. Besinshiden, kıberqaýipsizdik. Naryq kólemi – qazirdiń ózinde 200 mlrd dollar. Sondyqtan jasandy ıntellekti tek tehnologııa emes, ol – jańa ekonomıkanyń júregi. Oǵan der kezinde nazar aýdarǵan ınvestor utylmaıdy.
Daıyndaǵan –
Eligimaı TО́ŃKER,
«Egemen Qazaqstan»
