Sýret: nu.edu.kz
Basqosýǵa Nazarbaev ýnıversıtetinen bólek, Narhoz ýnıversıtetinen, BUU Balalar qorynan, IýNESKO-nyń Almaty qalasyndaǵy óńirlik keńsesinen, BUU Damý baǵdarlamasynan, eldegi Frıdrıh-Ebert qorynan, basqa da halyqaralyq, memlekettik uıymdardan qonaqtar keldi. Baıandamashylar taqyrypqa qatysty ózekti pikirlerin, usynystaryn aıtty. Sonyń ishinde Nazarbayev university-diń turaqty damý jónindegi dırektory, professor Qanat Baıǵarın klımattyq ózgeristerge qatysty naqty sheshim qabyldaıtyn kezeń áldeqashan jetkenin alǵa tartty.
– 1990 jylǵa deıin-aq ǵalymdar jer sharynda klımattyq ózgerister baıqalyp jatqanyn málimdedi. Sodan on jylda ǵylymı zertteý jumystaryn júrgizip, jahandyq klımattyq ózgeristerdiń shyn máninde bolyp jatqanyn rastady. Osydan keıin adamzat klımattyq ózgeristerdi halyqaralyq deńgeıde talqylaı bastady. Bıyl klımattyq ózgeristerge qatysty COP-30 halyqaralyq konferensııasy ótkeli otyr. Osy is-shara arqyly atalǵan taqyryp halyqaralyq deńgeıde talqylanyp keledi. Biz osy taqyrypty tek aıtýmen shektelmeýimiz kerek. Memleket basshysynyń tapsyrmasymen iri halyqaralyq is-sharalarǵa el atynan talaı qatystym. Endi sózden iske kóshetin kez keldi. Jastar osyny túsinse eken deımin, – dedi Q.Baıǵarın.
Konferensııa qorytyndysynda el jastarynyń atynan Jastardyń klımat jóninde ulttyq málimdemesi ázirlenedi. Ol qujat COP-30 konferensııasynda jarııalanady.
