Búginde elimiz boıynsha 19 myń kameraǵa jasandy zııat ornatyldy, dep málimdedi Ishki ister mınıstri Erjan Sádenov.
«Atalmysh kameralar jolda júrý tártibin baqylap, kólik tizgininde otyrǵan adamdy tanyp, kúdikti zattardy anyqtaýǵa arnalǵan. Bul júıel Jedel basqarý ortalyǵymen birikken joba, osy arqyly polısııa oqıǵa ornyna der kezinde jetip, shara qoldanýǵa kómektesedi», dedi mınıstr.
Quqyq qorǵaý organdarynyń qyzmetkerleri zamanaýı planshetter men smart-jetondarmen qamtamasyz etilip jatyr, bul olardyń jedel ári tıimdi jumys kólemin arttyrady. Azamattar úshin «102» mobıldi qosymshasy jáne eGovMobile men ekinshi deńgeıli bankterdiń qosymshalary arqyly qoljetimdi «Zań jáne tártip» servısi iske qosyldy. Endi quqyqbuzýshylyq týraly habarlaý úshin bir ǵana batyrmany basý jetkilikti, osylaısha polısııamen tikeleı baılanysyp, problemany sheshýge bolady.
«Aıta ketelik, sıfrlandyrýdyń arqasynda alaıaqtardyń 2,2 mlrd teńgeni zańsyz jymqyrǵany belgili boldy. Sondaı-aq elde halyqtyń quqyqtyq jáne qarjylyq saýaty artyp keledi», dedi mınıstr.
