Afrıkalyq sur totyqus Aleks 31 jyl ómir súrip, ǵylym tarıhyna oılaý qabiletimen endi. Zertteýshilerdiń aıtýynsha, ol 100-den astam sózdi úırenip qana qoımaı, tústerdi, pishinderdi, sandardy ajyratyp, keńistik uǵymdaryn meńgergen. Ádette totyqustar adamnyń sózin qaıtalaıdy dep oılaımyz. Al Aleks úshin sózder – tek dybys emes, naqty maǵynasy bar uǵymǵa aınaldy.
Mysaly, ǵalymdar oǵan túrli tústi zattardy kórsetkende, Aleks durys tústi ataı alǵan. Nemese ústel ústinde úshburysh pen sharshy tursa, ol ekeýin salystyryp, aıyrmashylyǵyn ajyrata alǵan. Iаǵnı onyń jaýaptary kezdeısoq emes.
Aleks ǵalymdardyń suraǵyna ǵana jaýap berip qoımaı, ózi de suraq qoıǵan. Birde ol zertteýshisinen: «Meniń túsim qandaı?», dep surapty. Bul – qus ataýlynyń alǵash ret suraq qoıǵan tarıhı jaǵdaı edi. Ǵalym oǵan: «Sen – sur tústisiń» dep jaýap bergen. Qyzyǵy, Aleks bul jaýapty este saqtap qalǵan jáne keıin de qoldanǵan.
Bul oqıǵa ǵylym áleminde úlken pikirtalas týdyrdy. О́ıtkeni suraq qoıý qabileti adamnyń oılaý júıesin janýarlardan bólektep turǵan basty erekshelik sanalyp kelgen edi. Aleks sol shekarany buzdy. Ǵalymdar janýarlardyń kognıtıvtik qabiletin qaıta qaraýǵa májbúr boldy.
Zertteýshilerdiń aıtýynsha, Aleks tek sózderdi jattap almaǵan, olardy maǵynalyq deńgeıde túsingen. Onyń qoıǵan suraǵy – ózin tanýǵa, aınalany sanaly túrde túsinýge degen umtylystyń belgisi.
