PETROPAVL. 23 maýsym. Aımaq basshysy Erik Sultanovtyń qatysýymen balalar men jasóspirimder shyǵarmashylyǵy ortalyǵynda memlekettik qyzmetshiler kúnine arnalǵan saltanatty jıyn ótip, tańdaýly memlekettik qyzmetshilerdiń esimderi belgili boldy. Bul týraly oblystyq ákimdiktiń baspasóz qyzmeti habarlady.
Saltanatty sharany ashý rásiminde sóılegen sózinde Erik Hamzauly Qazaqstan Respýblıkasynyń Prezıdenti Nursultan Nazarbaev «100 naqty qadam» Ult josparynda kásibı memlekettik apparat jumysynyń negizgi ustanymy halyqqa jáne memleketke qyzmet etý ekenin atap kórsetkenin aıta kelip, 535 memlekettik organdarda eńbek etetin 5 myńnan astam memlekettik qyzmetshilerdiń kúsh-jigerlerin demokratııany jáne quqyq ústemdigin qamtamasyz etýge, eldi ekonomıkalyq damytýǵa, azamattarymyzdyń ál-aýqatyn arttyrýǵa jumyldyrý basty mindet bolyp tabylatynyn jetkizdi. Jınalǵandardy kásibı merekemen quttyqtady.
Budan keıin Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy kúres agenttigi tóraǵasynyń atynan 4 memlekettik qyzmetshige «Úzdik memlekettik qyzmetshi» tósbelgisin tapsyrdy. 8 memlekettik organdar qyzmetkerleri oblys ákiminiń Qurmet gramotasy men alǵys hattarǵa ıe boldy.
Jıynda «oblystyń úzdik jas memlekettik qyzmetshisi» konkýrsynyń jeńimpazdaryna eskertkish syılyqtar tapsyryldy. Bul atalym boıynsha birinshi oryndy oblys ákimi apparatynyń jetekshi mamany Azat Muhamedııarov jeńimpaz atandy.
Memlekettik qyzmetkerlerdiń otbasylyq áýletterine qoshemet kórsetildi.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
