О́mirzaq aýylynyń «Raýan» turǵyn massıvinde boı kótergen №26 jalpy bilim beretin mektep aýyldyq aımaqtarda sapaly bilimge qoljetimdilikti arttyrýǵa baǵyttalǵan ulttyq jobanyń naqty nátıjesi bolyp otyr.
Saltanatty ashylý rásimine Aqtaý qalasynyń ákimi Ábilqaıyr Baıpaqov qatysyp, jınalǵan qaýymdy jańa mekteptiń ashylýymen quttyqtady.
«Aýyl – qazaqtyń besigi. Qazaqtyń talaı ǵalymdary, aqyn-jazýshylary men ózge de saladaǵy myqtylary aýyldan shyqty. Sondyqtan aýyldyq jerlerdegi balalardyń sapaly bilim alýyna memleket barlyq jaǵdaıdy jasap otyr. Jańa mektep qutty, bilim kúni oń bolsyn», – dedi qala ákimi.
Jańa mektep zamanaýı oqý kabınetterimen, sport jáne shyǵarmashylyq zaldarymen, sondaı-aq ınklıýzıvti bilim berýge arnalǵan arnaıy kabınettermen jabdyqtalǵan. Bul – aýyl balalary úshin qolaıly ári sapaly bilim alýǵa jasalǵan mańyzdy qadam.
Ata-analar men turǵyndar jańa bilim oshaǵynyń ashylǵanyna rızashylyqtaryn bildirip, qýanyshtaryn jasyrmady.
