Saltanatty jıynǵa Shyǵys Qazaqstan oblysynyń ákimi Nurymbet Saqtaǵanov jumys sapary aıasynda qatysty.
— Mundaı mektepterdiń salynýy — bolashaqqa salynǵan ınvestısııa. Biz úshin balalardyń jaıly ári qaýipsiz jaǵdaıda bilim alýy, al muǵalimderdiń sapaly jumys isteýine barlyq múmkindikterdiń bolýy óte mańyzdy. Bul — qalanyń jáne óńirdiń damýyna negiz, — dep atap ótti oblys ákimi.
«AN Groups» kompanııasy salǵan jańa mektep qazirgi zamanǵy bilim berý standarttaryna tolyq sáıkes keledi. Munda keń ári jaryq synyptar, arnaıy pándik kabınetter, akt jáne sport zaldary jabdyqtalǵan, sondaı-aq sıfrlyq oqytýǵa qajetti barlyq tehnıka ornatylǵan.
— Bizde mundaı kólemde jabdyq buryn-sońdy bolmaǵan, bul — shyn máninde «bolashaqtyń mektebi», — dep bólisti oqý ornynyń sharýashylyq meńgerýshisi.
Ata-analar men muǵalimder bul oqıǵany uzaq kúttik deıdi. Endi júzdegen bala jaıly jaǵdaıda bilim alyp, mektep tek oqý orny ǵana emes, mádenı ómirdiń de ortalyǵyna aınalmaq.
— Mundaı keremet mektepte sabaq oqymaý nemese úı tapsyrmasyn oryndamaý uıat sııaqty, — deıdi oqýshylar.
Aıta keteıik, bıyl bul mektepte alǵash ret 30-dan astam bala partaǵa otyrdy.
Rıdderde jańa bilim berý mekemesiniń ashylýy — bilim sapasyn arttyrý men ósip kele jatqan urpaqqa teń múmkindik jasaý jolyndaǵy mańyzdy qadam.
